[جمال الشقصي]

:
:
:


بير الحَيّ

(على لسان فتاة)


[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يَاغايبٍ عَن روضَة الحَّيْ.. وين أنتْ؟= وَرَاك تبخَل باللقا يا اْبن عَمِّي؟

وَراك.. بيّنتَ الجفا ومَا تِبيَّنت= يا جَعْل عينٍ صابتك.. ما تسَمّي

همّي مِلاقاتِك على البير ما زلت= أنطِرْك كِلْما يَهجَع آبوي وامّي

واقعِد عَلى رَملَ النِقا أشْرب الصمْت= لين الصُبُح يرحَم سهادي وغمِّي

أَتذكرك.. واصفِق على ميلة البَخت= واتخيلك لي همّت يدِيك ضمّي

كم قلت لك عونك إذا قلتْ يا بنت= وان قِلت لِك يا عِزوتِي.. قِلت سَمّي

يَبكيك شَعْري حسرةٍ كِلّما قمْت..= أفرش عُقوصه بالدِجَى قِلت لمّي

وتحتِ المِخَدّه صورتِك كِلّما نمْت= كِتبت أحِبك فوقها بْنزف دَمّي

عِندي أَمل في يوم تِرجع كما كِنت= واقول هذي صورتك وانت يمّي

لا شك لو سَافرت.. غِبْت وتمدَّنت= تِبقىَ مِلاقاتِك على البير.. هَمّي[/poem]
:
:
: