[محسن الشاهر]

المشاركة الأصلية كتبت بواسطة شقران الزيادي

صفعة الوالي

مدخل ..
التوقيت : الساعة 25
المناسبة : ظلي ..!
المكان : أغلا نقطة في الأرض

.
.

.
وقت ممتع مع نزف الساعة الخامسة والعشرون تماما


صفعة والي !

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شربْت بنّ الرحيل وْهيل تغريبه =واخترت طبع الرجال و ميلة عقالي
عندي تساوى الزمان وطرّ لي جيبه =من بعد ما خالط العلقم مع الحالي
ما هو بوقتي يا اخو (شقران) ! وش لي به =صالحت نفسي معَ نفسي وبلحالي
تزعجك نقّّالة الهرجه هل الغيبه =لا من وطا واحد ٍ منهم على ظلالي
أو قال لك صاحبك كثرت مشاريبه =ما عاد له بالوطن و الأهل والغالي
قل له تساوى شروق النور ومغيبه =ما هو بهذا زماني يا بعد حالي
عابوا على الوقت .. كل ٍ منبعه عيبه=وكل ٍ على قد عزمه في السما عالي
هذي ظروف الزمن والوقت تدري به =ما جا على كيف أبوي وْلا تهيّا لي
هالـعام سابع وأنا مجوّد كلاليبه =لاني تركته ولا هو قطّع آمالي
يطيح لين أطرحه ويقوم و أزري به =و أجوّده و أطرحه ويقوم متعالي
وش قصته وش يبي وش جاه ما أدري به =يا خي تعبنا معه ! ما أطولْك يا بالي
إن كان هذا نصيبي يا هي مصيبه =عجاف الليالي تلاعج برقها قبالي
هوّد .. على هونك ، إهدا ! لا تما ري به =يا خوي ماني بحمل لصفعة الوالي
طالبك لا تلحق الميسم وتكوي به =يكفيني الأولي لا تلحق التالي
أليا سألك العذول و قال لك جيبه=قل له هبيل ٍ تلقى للخلا الخالي
هبيل يا كبر عيبه ! يا حلو عيبه !=زيدوا ! عذاريب شخص ٍ عايش مثالي
عيبه بياض ونقا وزيادة الطيبه ؟=يا ما اغربك يا زمان أشبـاه اْلِرْجــَال
يا خوي نجم ٍ أفل جتكم مناديبه =وش ضرّها الأرض.. نجم وْطاح من عالي[/poem]

مخرج ..
ليست كل الاشياء السيئة سيئة
الحكم النهائي على الاشياء اجحاف بحق المصالحة الذاتية والعدالة!!
حتى سم الثعبان ليس سيئ .. فعلاجة ماهو الا جزء من سمة !

شقران الزيادي

شقران وللشعر حضور متوهج بحضورك الراقي والرائغ


نص مفعم بالجمال والروعة والعذوبة وقوة المفردة ودقة الوصف

ارتويت شعرا وها انا اخرج من هذا المتصفح وانا احجز لك بذاكرتي نصيب الاسد من المتابعة والانتظار

شاعر متمكن بسم الله ما شاء الله

الله يعطيك الغافية

مع التحية والتقدير