[سعد المطلق]

[poem="font="traditional arabic,5,darkblue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
حلم حلمته ياعسى شوفته خير=لوكان بين من مواريه شينه
أقطع من كتوفي لحم وأعلف الطير=والطير شايلي بقلبه ضغينه
عن المرابح قمت أحسب المخاسير=بأول هداده خمني في يدينه
للغدر في وجهه رسوم وتعابير=حرام ما تامن يساره يمينه
بالله يا أهل العرف وأهل التفاسير=كلش ولا سبع العجاف السمينه
هي هلوسه هي شعوذه هيً تشفير=وإلا سداد الدين من طالبينه
اللي رمـى في وسط دربي مسامير =الله خصيم الناس بيني وبينه
يابدر فرق المسك عن نافخ الكير=فرقك عن أصحاب النوايا اللعينه
التــافـه اللي ما يشاور ولا يشير=ربي عليم منين هم جايبينه
حطوه مابين السلف والمظاهير=وأرهوا عليه من الحكي مشترينه
بترت شلة عاشقين المشاهير=بتر القدم لا صابها غرغرينه
ياصاحبي ماهي بلحظة معاذير=صديت بس القلب رده حنينه
مادمت وافي والنوايا مغاتير=بترك هزيل الهرج يا مقتفينه
إن عودت يم القبور المحافير=ماضيعت درب المواني سفينه
ربعي صقورينطحون الطوابير=صغيرهم لا هد جاب الثمينه
لا روحو مثل السحاب المزابير=غيثٍ ضرب باالوسم يا محترينه
روس النشاما مبعدين المداوير =حوض المنايا من زمن واردينه
والكلمه اللي رددوها مخامير=ماجابها بالوجه طلاب دينه
لكن عشان أرتاح واريح الغير=بقولها يأأهل الحروف الدفينه
أجمل وداع اللي يهز الجماهير=وأقسى كلام اللي يجيب الغبينه
[/poem]

أعادة صياغة نص قديم