[أكرم التلاوي]

شاعر أبعاد الجميل شقران الزيادي من الشعراء الذين قابلوا اللجنه في جولة أبو ظبي لها العام وقد قدم الزيادي نصا ً جميلا ً بعنوان " النهايه لا نهايه " سأترك النص بين أيديكم متمنيا ً أن تستمتعوا به




[poem="font="simplified arabic,4,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]غربة اوطـان ومسافـه والنهايـه لا نهايـه=انتهي في نفس دربـي والمواجـع سرمديـه
ضايعٍ كني بلا وجهـه ولا مقصـد وغايـه=غربـةٍ ماتنتوصـف بالحـروف الابجـديـه
المواجع قيدتنـي كيـف تطلـق لـي يدايـه=اشهد ان كفوف وقتي في مواجعهـا سخيـه
والهنوف اللي حلاها صار بين النـاس ايـه=ماكفاهـا قلبـي اللـي سقتـه بكفـي هديـه
اسهر بليلـي وهـي تختـال قـدام المرايـه=كنهـا تشـرح لهـا اسـرار فـن الجاذبيـه
كـل ماقرّبـت منهـا زادت بقلبـي عنايـه=لعنبو حبٍ يوردنـي علـى حـوض المنيـه
غلطتي كانت جنوني يـوم اعلمهـا الرمايـه=والنتيجه واضحه طبعاً انا صـرت الضحيـه
كنها صارت على قلبي لها حـق الوصايـه=تستلذ الطعن في قلبـي بـلا ذنـب وخطيـه
كثر مازادت عذابي كثـر ماتظهـر غلايـه=وعزتي للي رماه الوقت في يدين حضريـه
لو بحاول واختصر في قصتي واصل الحكايه=بدوي من سوء حظه حـب بنـتٍ عنجهيـه
النهايـات البعيـده صـارت بعينـي بدايـه=رحلـةٍ فيهـا تجـرد خافقـي قـدم البريـه
مغترب مع هـم قلبـي والنهايـه لا نهايـه=والمواجـع حسبـي الله كلبوهـا سرمـديـه [/poem]


كل الأمنيات بالتوفيق للجميل شقران الزيادي ولكل شعراء أبعاد المشاركين