زاير ليل دك الباب
ما كلناله أهلاً بيك
داس المستحة ودور أركان البيت
وسولف عالشرف والغيرة والنوماس
سولف على الواجب والوطن والناس
كطع صوته استعد
دك قبضة الرشاش
حاضر سيدي تحرت
ها شلكيت؟؟
بس حيطان خرسه
ناس واحدهم عدل بس ميت
لا كنتور أفتحه ولا لكيت أبواب
وغرفة بلا سقف بآخر البيت لكيت
ها شلكيت؟؟
دمعة محجرة بعيونهم صدت
وحسرة بنص صدرهم تنفجر حسيت
كالولي هلا.. بس جنه أظن لا جيت
وكالولي استريح.. وجنه لا رديت
وحاضر سيدي تحرت
بس اعذرني فتش هذا آخر بيت
*محمد الغريب*