[جاسم بن همام]

للمره الاولى وبعد ثلاث سنوات اتداخل مع الشبكة العنكبوتية بنشر قصيده
تشرفت بالاخ سعد الذي لم يجد عناء طويل في اقناعي للمشارك - وها انا ذا اتشرف بتلبية الدعوة الكريمه
أتمنى ان اكون عند حسن ظن الجميع انشاء الله
قصيدة لم تنشر من قبل أحببت ان اشارك بها هنا


__________________________________________________ ___________



[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""](( في أي حالٍ عدت ياداعي العيد ؟؟ )) = ماللفرح في بعض الاوقات دوله
لاحت مزون .. وطوحت شيلة البيد = واستبشرت .. من قبل حتى وصوله
واقفت مزون العمر من دون تضميد = مرت بتول ٍ .. من حياها .. عجوله
القيض .. يبسّ مابقا من عناقيد = لانخوة ٍ منه .. ولا هي بطوله
ياصاحبي !! وش تنفع الإيد .. بالإيد ؟ = والصمت عرض العمر .. والخوف طوله
والونه اللي بالصدر مالها قيد = تكفيك عن ماكنت ناوي بقوله
والريح .. من صدر السموات .. تنهيد = تقلع خيام اللي ثقيله حموله
طفل ٍ يموت بسيف زيف المواعيد = تدرك معي معنى ممات الطفوله ؟؟
ياما نهيت النفس ..واصد .. وتزيد = في رغبة ٍ عذرى .. لحوح ٍ .. عجوله
والنفس .. لو ما حققت بعض ماريد = تجيك في بعض المواقف .. عذوله
تدري ..!! أبحلم .. واكسي العمر تغريد = إما احيا .. ولا .. أموت برجولــــه[/POEM]