شكراا عادل العواد الذي دلني على هذا الصرح الرائع
وشكراا لسعد سيف وشكراا للجميع
عاملتهم بالطيب ليـن الوفـا فـاح
وعلمتهم معنى الوفا واجحدونـي ؟
اكبر قهر لا خانت النـاس ياصـاح
وقامت خناجرهـم تغافـل امتونـي
من بينهم انهض وانا ظهري ارماح
وتقصر شواربهم اذا هم يجونـي
كتبتهـم بيـن الدفاتـر والألــواح
ومسحتهم لو فكـروا يكتبونـي !!
عطيتهم ظهري وانا كنـت مرتـاح
وباعوا رجولتهم واشوف اطعنوني ؟
طعنت قريب وجرحها كـان ذبـاح
وش تنفع القربـه اذا يذبحونـي !!
مو مشكله لو زودوا قلبي اجـراح
المشكله لـو انهـم جرحونـي !!
شفت المراجل بيننـا دمهـا سـاح
تجمعـوا بـس ودهـم ينكبـونـي
السالفه ماهي ترا ضحك وامـزاح
السالفه فـي غيبتـي شوهونـي !
لا صارت الدعوه مخاسير وارباح ؟
كلٍ علـى قـدره تشوفـه عيونـي
رح قلهم لو طاحت الناس ماطـاح
لغيتهـم فـي جيتـي مالغـونـي ؟
لو الزمن هذا زمن رمح واسـلاح
ماشفتهـم ياعزوتـي عذربونـي !!
محبكم \ تركي عواد