[هنادي المطيري]

المشاركة الأصلية كتبت بواسطة خالد صالح الحربي

*
فناجيلك تغنّي لك فنا.. جيلك
...... ضريبة كونك المركون في رفّه


كذا يعني تنادي لك مناديلك
...... على بُعد انكسار الضوء من ضِفّه


إذا كلّك على بعضك تفاصيلك
...... أمانة شوف عُمري الناقص وْوَفّه


هِنا كنت أقتبس بلّور قنديلك
...... وهِناك المبتئس بالنور من عِفّه


هِنا كنت أكتبك وآعيد ترتيلك
...... وهِنا كنت أشطبك وآعيدك بْخِفّه


معي بالذاكرة ليلين من ليلك
...... شِف اللي ودّك مْن الماضي تْلفّه


أناجيلك قرتني قبل ماآجيلك
...... على جُنْح الخيال ورفرفة: زَفّه


وداد ولا مداي إلا مداهيلك
...... وداد الأمتداد لـْ ترجح الكفّه


معك ماللمساء إلا يغنّي لك
...... ومعي هذا الغِنا ماينبس بشِفّه


طريقي ريقي اللي مايودّي لك
...... نشَف ريق انعتاقه دون ماتْحفّه


وش أحكي لك وأنا اللي كل ماأحكي لك
...... أضيّع هَـ الكلام المُتْعَب بصفّه


بلاش من الحكي بآقول: كلّي لك
...... وأباأركن كل هذا الكون في رفّه

ياسلام عليك .. ابـدعـت والله
القصيدهـ من الألف لـ اليــاء جنـان !!
صح بوحك ولاهنت