_ " انتي العيون
أغلى الحبايب
يالحبايب كلّهم
هاتي يدينك ..
ورتّبي النبضات في قلبي
وخلّيها عقد جيدك
وضمّيني لروحك
وارتدي عمري
ولو يسري
على الأفراح نوقف
نرتشف لحظاتها
تنبت مدامعنا
دموع افراح
هي ملح الحياة
ونكهة الأحباب
ناخذ من سما الدنيا بدر
نبذر أراضينا ضحك
نحصد حصاد احلى العمر ..
.....
شفتي يديني؟
امتلت من حبر تعبيري
تعالي وشوفي اوراقي
وصفحاتي
وفي وحده من الصفحات
خلّيت لك ورده
وتوقيعي رسمته
وقتما كنت ارسمك
وارسم شفايف فرحتك
..
لازلت ازيد كتابتي لجل اوصفك
عيّت حروفي تقدرك "