درب الحب . ضحكه طفل
غنّيه
غنجه صبيه مدلله
بتمسك بأيديها صفير الريح
بتصير نسمه عطر
وبيفوح . وبيملي العمر
اشواق حنيه
الشعر
عيون الجبل
ومكحله بنسمات مشتاقه
وكاسات مليانه نعس
بتخاف طله نوم
بتقطف نجم . بتسهرو
يضوي مساحات المدى
وخيال. مشلوح بغصن
تاكي على صدر الوجع
ليخدرو
وعاشق بيبعث جروح التعب
تنقط على وراق العتب
كلمات
وبيحمل الاهات مرجوحه
وبيمرجح بواب الحكي
بينزل مطر وحروف
بيطلع شجر
اسمو الشعر