[الغيد بنت فواز]

وْوقت وْوقت
على ما أنفُض الغُربه ،
واقلّب [ خانتين ] الوقت ..
وعن احزاني .. / بـ آقوم ان نامت احزاني ..
وانام ان .. ضقت
احس اني قريب احّس .. وْتحاسبني ْضنوني
احس اني قريب آحّس .. وْتحدّق بي ْعيوني
خلاص !
خلاص المُستحيل اللي / عِجزت اكذّبه ..
كذْبه ..
ونسمات الامَان اكذَب !
ترى شوفي :
انا جبت الصوَر ويّاي
ماهو كله عشان القاه .. لا والله عشان / بْكاي !
ياغيد ..
شـ عاد بيديني
ابيك .. وما لقيتني
هدرتي من بقايا عمرك / ْدموعك
ْوعافك .. لين عفتيني !
يفلّك ها - الألـم - .. وانتي
[ تسمين المواجع حّب ]
عشان الحّب ..؟
ما ودّك .. يصير اللي جَرَح / ماضي ..!
ورّبي بس ..
تعبت .. أندّس ..
في وجه ٍ - بكى - راضي !
وافّكك في يدين الصمّت ..
اسمّع لك ..
وافكك في يدين الصمت ..
ادمّع لك ..
وكل ما ابكي .. وكل ما اشكي ..
احس ان الحكي
- - - - - - - - - - - - - - - [ فاضي ] !