[عقاب الربع]

[POEM="font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أدوزن امنــــــياتي .. والسنين تقول يالله عاد=بلا من ثقل حلمك .. واعتــقد كل ماحصل كافي
تموت شمــــــوع .. ويفز الظلام بليلة الميلاد= واظل البائس الذاوي الحزين المتـُـعب الطافي
هزيلٍ لو طـــــــرت لي ذكرياتي صارت الجلاد =نحيلٍ .. والحمل .. متربــــــع ومركاه باكتافي
كئيب الليله وكني شريــدة من بقى من ( عاد ) =صويب واشعر بكل بالتـعب مغروز باطرافي
ثلاثين العــــــمر .. وتمره الاعياد ماهي اعياد =عثى فيها الهجوس المستمـيت الفايق الغافي
اشوف ان بيني وبيني .. منافي ماهي من بلاد= تلمست المدى فيها لقيـــــــــــــته خاينٍ وافي
ادورني ورا صـــــــــدفة قدر ابرك من الميعاد= زهابي وحدتي والبرد مايفــــــرق عن لحافي
يمرني شتاءاتي طويـــــــــــــــــله مابها مرقاد =ولا المح غير بردي بالجــهات الاربعه دافي
مشيت واشعر بهذا الـورق والمحبره "احفاد " =قصيدي هو عصاي و وش علـــيه ليا مضـى حافي
تعالوا نطفي الشــمع الكثير الحين يا " اولاد "= عسى كل عام وايامــي كذا طـيب ومتعافي
قصيده يحتفل فيــــــــــها الشعور الحالم ويرتاد= اضاءات المساء اللي تعل وتبـحـث الخافي
نقيضه للنفوس اللي امتلت خبث وحسد واحقاد= قريبه من مشاعر من سمع(مبروك هاللافي)
رماديه .. تشــــــــــــابه في تعبها ملمح الاجداد =وداعيه .. تشابه في عناها المدمــع الصافي
انا ويني و وين الشمع .. والحفلات .. والاعياد= يارب العافيه .. ماغيرها مع ستـرك الظافي[/POEM]