[عبدالعزيز رشيد]

المشاركة الأصلية كتبت بواسطة عبدالعزيز رشيد

لـ [فهد عافت]
نصّ ((أشياء)) صار لي أكثر من سنة وأنا أبحث عنه دون جدوى فقط عثرت عليه ناقصاً ولم استطع العثور عليه ):

؟

وأخييييييييييرا

يانعم هالنافيه:
شفت انا الشاعر
وهو يشنق بتهمة قافيه
شفت رجليه إْتدلى بالهوى
لحضتها شفت الارض
تمشي حافيه ..
***
وفي إبتسامة رانيا
شفت الحزن
له حفيف اجناح عصفور
يرفرف فوق سلك
يحاول انه يتزن
والريح تصفر
وشفت مسفر.!!
القصي من العصافير انتبذني
شمس ظلت تلعب من أول بزوغ الطفل
لغياب المراجيع ..
انتفض بي : سحابٍ بلله ريش هما
كيف مايتكدس الرمان في دفتري
وتخضب إحروفي شبابيك بنت
حوصرت من كل ما ؟؟!!
القصي من العصافير انتبذني
قلت : احبك
قلتي: قربنا..
رميتي اهدومك
وقمنا نطبش بالسما تطبيش ..
قلتي : لو تمرغنا بنا ؟
قلت : احبك ..
قلتي : جربنا ..
لبستي واكتشفنا لما ردينا
ولا لاحظ احد : حجم العما
جادك الغيثُ (إذ) الغيث هُما
لم يكن وصلك الا (حول)ما..!!
القصي من العصافير انتبذني..
*****
اذكر إف مره عبرت
الارض ماخلص الحرير
واذكر إف مره شبرت
الارض مترين وصرير
في ذيك وفهذي صبرت
صبر ابن كلب وحقير
خفت لااضعف جبرت
الكسر الأول بالاخير
خفت لااصغر كبرت
وخفت لااكبر كثير
*****
صعب ..
تلقي ان اللعب فيك ،
اقدرت تنفيك عن جغرافيا طيشك
مخيف احساسك ان البرتقال احدودب
انك كل ماللكحل ، دوزنت الغبش
ييبس فضا ريشك ..
ويتخنزبك الغثيان
حد أنه يروض كل مابك
لارتكاب الصبح
من دفلى..
ولوز..
وجلنار..
وتنطفي ..
لاحيط يتنفس خرابيشك
والا الوحل السليط الفوضوي الفج
يرضى انك تلطخه بدشاديشك ..
من الاكثر بياض ؟؟
إش كثر صعب ان انت عاجز لاتجيب
إش كثر صعب ان انت تدري
اش كثر صعب ان انت عاجز لاتجيب
اش كثر محزن..
وانت عمرك ماوصل بعد الثلاثين
ويموت الانبهار بداخلك ..
ماكن فوق الارض به شيٍ عجيب ..!!
اش كثر صعب ان انت تلعب وانت تجهل
اش كثر صعب ان انت اصعب .. ولانك اسهل
القصي من العصافير انتبذني ..
******
ياقميص وبنطلون اليوم الأول للدراسة
ياتحيات العلم ..
يامع حمد قلم
مع حمد قلم
مع حمد قلم
يالئلاف قريش
وقل هوالله احد
كانت الجهره عيشيش
كانت البلد بلد ..


كان مع حمد قلم
إن تآلفت اختلفت
وان توافقت اختصم
رن الجرس ..
آه ياأولى (أ)
ياكراسي المعتصم
ماتت فرس ..
القصي من العصافير انتبذني ..
*****
يقدر الجمهور يحكي عن دفا الصاله اماكنها المريحه..

وحده البلياتشو يعرف عن البرد في خشب هذي الكراسي ..

في نهاية كل عرض في آخر آخر كل ليله تستبيحه..

عزلةٍ تاخذ من الاسمنت طعم من المسا لحم نحاسي ..

أتمرا اكتشف كم بعت وجهي للمساحيق القبيحه

آتعرى ماسوي اللآشي .. واللاضي والخزي ويباسي ..

وحشةٍ ملسا ..رخامٍ.. باردٍ..صلد يتناسل من فحيحه ..

الف نردٍ يسرد الخذلان لين إيفيض بالغسلين كاسي ..
أول الليل افضح الستر .. آخر الليل آتستر بالفضيحه..

كل ماقلت انت كاسي .. ياينبهار الكل بي صرت انتكاسي ..

يصبح الصبح اعرف اني لاقدرت اسكت ولافاضت قريحه ..

يلّيل الليل اعرف اني لازم ابهرهم .. انا نجم الاماسي ..

بس انا الليله حزين .. ومنطفي .. مسدل وخطواتي كسيحه ..

طز في (البلياتشو) في المسرح المسفوك تنكيت ومآسي ..

ايه انا الليله حزين ومنطفي مسدل وخطواتي كسيحه ..
طز في الجمهور هذا الابله اللي انشد لي وافتر حماسي ..
حيل انا الليله حزين ومنطفي مسدل وخطواتي كسيحه ..
طز في الصاله في حبل الميكرفون الرخو في صعوبة مراسي ..

طز..طز..طززززززززز..
******
لو الجدران تهدم
يجمع الناس في ساحة
يطلق سراح آدم وحوا
يعدم التفاحه ..
كل طيبٍ ماهو قوي
يعدم ..
طز..
لو ديرتي خيمه ..
ابني لها ديمه
لو ديرتي عذرا
اكتب لها واقرا
من دفتر الشيمه
طز ..
*****
الشاي ..
تعب السواعد ..
بحة الناي ..
عرق البعيدين الحفاه
الصارخين إبلا شفاه
شفاي وعيوني نعاس
خبيه في بريق النحاس
خبيه وإليا رفعتي إغطاه
صبيه ..
صبي الشاي ..
تعب السواعد/بحت الناي/عرق البعيدين/
طز..
كان مع حمد قلم ..
مع حمد تبن .. غبن ..غبن ..
طززززززز...
*****
ورانيا لما تكلم ..
مايهب الا النسيم
وطفل يشبهني تماماً
واغنيه لعبد الحليم ..
(ياخلي الالب ..
لو في ألبك .. أد ألبي حب ..)
رانيا هي لثغة إلسان الطفل بالرا.. خطأ والا صحيحه ..

اجهل الاشيا واعرف اني احبك حيل وانك كل ناسي ..

رانيا هذا الفضا ضيقق وانا نذر العصافير الفسيحه ..

ان قدرتي خلك الليله معي تكفين هذا البرد قاسي ..

رانيا مالك شبيه الا الوطن .. مالي نقيض الا النصيحه ..

زمليني بالهبوب ودثري اصابعك في شعر راسي ..

(( شفت واخدآني الاماني لحد فين؟
شفت باأحلم ..
أحلم ..احلم ..
أد ايه ؟؟))
وتسأليني ليه انا شعري حزين
وانتي اعلم ..
اعلم ..
اعلم باللي فيه ..!!
****
القصي من العصافير انتبذني
شي يشبه قرصة ام حسين لاذني
كنت امارس بنتها
طين .. وبطاطين ..
البطا .. توي اعرف
ان البطا .. طين ..
النشيد اللي حفضنا عن فلسطين الحبيبة
كيف احيا ..
آه يالدنيا بعيدا عن سهولك والهضابي
آخر احبابي غيابي ..
شي يشبه له طعم ريحة خشب ارضية الصاله بطبطة الكرات الحمر /الزرق/الكرات النايلون/المبقيه خطٍ من الوصخ اسود يظهر تماماً مثلما وشمٍ يلوح في باطن إيدي
يردني للمدرسة
لـ صلبوخ راكان اللي كان الاول
لـ ضيف الله راكان
لـ فهد دغفق..
لـ لمبارك هويدي
القصي من العصافير انتبذني
وانتبذت اقصى الاماكن من قصيدي
يانعم هالناهيه:
يمكن كره عن حب
لكن شاعرك
ماحب عن كراهيه
ماحب عن كراهيه
ماحب عن كراهيه
عاش فيما يحلمه
واستراح
هدهدي (مسيلمه)
يا(سجاح) .؟!!!!

*****************************
فهد عافت
1994م