نامي بسلام ..
نامي ولك جفن الرضا..
نامي على كفوف الغمام..
نامي بسلام ..
وأستحوذي نفسك .. دفا
لاتكسرك إغماضتك..
ماهدهدك غير الغفا..
ومارفرفك غير الحمام..
نامي بسلام ..
نامي وفي جفنك يلوذ..
طفلٍ تثائب نعستك..
وطفلٍ غزل رمشك سلام ..
نامي بسلام ..
وش عاد ورثنا التعب ..
غير التعب !
وش عاد ورثنا الشقا..
غير الشقا !
نادي المقابر .. من بقى ؟!!
نامي وعلى الدنيا ..
الحطام !!
نامي بسلام !!
وصدّقي ..
لو كان تغنينا الشموس
ما آثر الجفن الظلام !!
نامي بسلام !!
:: :: ::
ماجِد الجِهني