من عتب ارض المواجع لاخر احساس المزون
في زمن طيش المدامع والاماني عابره
ما عليه ان مات شاعر قلت عادي وش يكون
ما عليه احلام ترحل!! والليالي غادره
كان طفل وحلم طفله ليلةٍ ملّو شجون
كان يسئل دووم عنها؟؟ يسكتون مسافره
في وطن صبر المدامع ما بكت ذيك العيون؟
من هدوء ايقاض رسمه بالمحاجر عاطره
ما خذوني يوم مروا! هاجروا! قالو يجون
اتركوني في وعدهم والمدامع صابره
قالوا العب لاتنادي : ليش هم ما يسمعون
يومهم مروا حيارى والطيور مهاجره
مع وفا حزن المداين شفتهم ما يضحكون
يلبسون اهداب حزني في عيونٍ ناطره
غيبوها عن عيوني في وعد حكم المنون
واستقرت في ضلوعي والمواجع حاضرة
وانطفت فيني مدينه تزرع انفاسي سكون
ما بقالي حلم غيره مع دروبٍ صاغره
ما بقى لي ياغريبه خاطرٍ بعدك يهون؛
تنتهي كل الاماني والمعاني سافره
ايه يا انتي في عروقي تنزفيني للجنون
تزرعين اعتى المحابر من كفوفٍ غابره
ما يهم احساس قلبك بستر انفاسي مجون
من رحلتي في حروفي والدفاتر ماطره
ذاكرة حزن المدينه في وطن حلم مغبون
كلها في صمت شاعر والمسافه ذاكره
........