أشعلت شمعه وطاحت في يدي دمعه
ـــــ العام يدّه هي اللي تشعل شموعي
ناديت وينك أشوف الناس مجتمعه
ـــــ ماهزّك الشّوق وإستاحشت لضلوعي !
سافر ولكن وعدني يرجع الجمعه
ـــــ قبل الأماني تزاحم عالي فروعي
سألت عنْه الأماكن كيف تستمعه !
ـــــ عازف لها الناي هو مشتت جموعي
خذني حنين / وأساور زايده لمعه
ـــــ ردني تعب من هبوبٍ تنزل دموعي
جعته أنا أنفاس ولافكرت في جمعه
ـــــ ماودّي أشبع وبعده أخسره جوعي
اليوم عيدي وكانت في يدي شمعه
ـــــ ذابت قبل لايثير الحزن موضوعي
