[عواد سحل]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]اشوف حلمي مثل حلم المساجين = يكبر بساعه وايتلاشي بثواني
مثل السراب اليا ارتسم داخل العين= ما يروي عروقٍ عطشها اناني
ياما وضعت من الصبر لي عناوين= اخفي بها حزنٍ يزلزل كياني
كنت احسب الدنيا بها الزين والشين = لكن زماني بسيف شينه رماني
وكنت اطرق ابواب الامل حول عامين = ولسمع سوى صوتٍ يلامس اذاني
صوتٍ ينادي ياخفوقي على وين = وانت اسيرٍ غارقٍ بالاماني
لتحلق بوسط الفضا بلا جناحين = تسقط ولا غيرك يحس ويعاني
ولا تزرع بكف الامل واقعٍ زين = في عالم ٍ شوكه نبت بالمحاني
وان كان تبقى للمعاني براهين = شفني اتوه بكل حلمٍ غشاني
بنيت لي بيتٍ على جال نهرين = وملكت ملكٍ مملكه شخص ثاني
وصلت للي حبها بالشرايين = بنت الشيوخ اللي هواها كواني
ونسجت نورٍ بالوهم يحجب العين = عن واقعٍ من كاس حزنه سقاني
و لحظه انتبهت اني تناسيت شيئين = ضيعت عمري ما وصلت المواني [/poem]