ياغايب عني ترى للبطا لوم
لاشافتك عيني ولا جبت طاري
بسأل كثير الصبر يمكن تجي يوم
تلفي تنشد وأنت بالحال داري
لك هاجس الذكرى سرق عني النوم
ماودعه فكري ولا عنه ساري
يسكن خيالي عشق ما يرتحل دوم
موقد براد الروح من شوق ناري
وقفة خطاوي ملها درب محروم
متى أشوفك والفرح له مواري
قضت سنين العمر بالوجد مهموم
وأحمل خفوقي سر وأحكي وأداري
باصلك كلي من كسر بالجفا عزوم
وأعلن عليك الشوق بالحب أماري
وأسعد معاك ولا بقا للعتب لوم
وأن شافتك عيني فلا جبت طاري
