[عبدالعزيز رشيد]

من القصائد النادرة جدّا عندما قدم الملك عبدالعزيز بالخرج كان شاعر ابن رشيد قد انهى قصيدة متوعّدا بلسان ابن رشيد الملك عبدالعزيز ومن معه فطلب الملك عبدالعزيز الردّ على هذا شاعر وطلب من شعراء الخرج الردّ عليه فردّ الشاعر:عبدالله الحميّد بقصيدة قال فيها:

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راكب اللي ذكّرت مالها جوره=من ظرايب زايدٍ نسل ريماني
مثل بتّيلٍ على الموج ماشوره=لاتبي سَمْكٍ ولاصنع سكّاني
فوقها اللي يفهم الخطّ باسطوره=راكبه قطّع يده سمت الأرساني
انحر اللي بالجبل وهّقه شوره=مْواعدٍ بالغزو في جال بن باني
جال بن بانٍ نقلناه بخطوره= والوعد في داركم قصر برزاني
تنتزح عن ماه وحماه وحيوره=لي قضبنا مسقطٍ صنع نصراني
جمع شمّر فرّقه جمع أخو نوره=مع هل العوجا لوليب الأكواني
.[/poem]



عبدالله الحميّد هو القائل في هجينيّة مشهورة:
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فاطري تضلع ولا ادري وش بلاها= مـا عليهـا الا القلـص والزمزمـيـه
.[/poem]

وقد نسبت لغير صاحبها بالانترنت

شاعر عظيم للأسف اختفى أغلب شعره وجلّ مابقي هو مابقي بالصدور التي تآكلت مع الزمن أو مجموعة عند شخصٍ لايرغب بنشر مايملك من قصائده مع الأسف