::
من طار سرب الرضا ، والبال حسفته
لـ عــيون من حبني ...واقبل يمنيني
غريب أمرك ، يانبض ٍ غصب وقفته
تدري : مــا كان الجفا والصد يغريني
مبطي وقلبي لـ درب ارضاك كلفته
ولا ادري الدرب هذا وين يرميني
كثرة شكوك ٍ ، وجرح منك والفته
رسم علامة تعجب ،، بينك وبيني
كل ما أحس دربي لقبك تناصفته
تجي بــ حاجز جديد .. يعيق رجليني
لو تدري بــ نار صدري ، وبصبر عفته
ما كان تبذر بـ لوم ، وهم تجنيني
اسرجت بيض النوايا ، وانت ما انصفته
خفوق .. رغم الزعل لــ رضاك حاديني
بالله لو جيت في قلبك .. وحلفته ؟
هل تعتقد حس .. بــ إحساس ٍ معنيني؟!!
::