عِنْدَما نَكْتَفِي ...
( رِيشْ طآئِر ٍ مَا / يُحْلِقْ دونْ طائرّه - بِـ فعْلِ الهَوّاءْ )
لايضِيعْ الحّلم، بأسَوارْ الخْدّاع
.................لايمُوتْ الشّوقْ في حِضّنْ (الغّريِبْ )
حَدْ عِلْمي بَهْ يِضّدْ / الإِنْصِيّاع
.................لِينْ بِيّنْ فِي نَهّارِي (وشْ حَ بِ يِ بْ)
كِلْ كِلْمَه كَانِتْ بِفمِه ، (ضِيّاعْ)
.................وكِلْ حرف ٍ كَان بشْفاهِي ( نصِيبْ)
.
.
والْودَاع ..
المَرْ
مَا خَاف ( الْودَاع ) ..
(كَانْ خَايفْ تِنْتِهي اللحظّه / وأ غِيب) !
والْودَاع ..المَرْ مَا خَاف ( الْودَاع ) ..
............. كَانْ خَايفْ تِنْتِهي اللحظّه / وأ غِيب ْ
( أمــــانه شِقَد مغَروره )
[poem="font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تصيح أطفال من عمق السكوت ويظهر الخافي=زوايا هالحديث اللي ورى البيبـان / مستوره !!
أشوفك في وجيه اللي خذوا مني ، بلا .... كـافي=وأشوفك روح برواز ٍ بلا تذكار ٍ / وصوره ...
أشوفك وين مالدّت عيوني (( صاحب جافي ))=وأشوف إني على الفرقا رضيت وكنت مجبوره ...
عيون الناس تاكلني ، الم / غربه ، (حكي غافي)=وكثير عيونهم تحكي (( أمانه شقد ... مغروره))
تعال نلبّس اوجاع السنين المخمل / الظافي=تعال نغطي العاري من الحرمان ، وحضوووره
تعال نبلل أشواقي من اثام الهوى ، الشافي=تعال من المرض ذنب ٍ خذى من ظلمتي ... نوره ....
تعال أعطيك من كبوة جوادي مبدأ .. إسرافي=تعال أعطيك من صغري طفولة بنت مكسوووره
تعال احكي عن الجهرا عن التاريخ وإنصافي=تعال احكي عن أعماق الجمال بوجهي ودوره ..
وانا لاجيت أبتحدث عن الترحيب وأكتافي=تشيل الـ ( ياهلا) بيت /وتشيل الـ (مرحبا) سوره...
اكون (الملهمه) داخل قصيد الشاعر / الوافي=واكون احلام بعيون الشباب ، وسبة الثوووره..[/poem]
خروج (1) :
يادِيرة ْ العِشّاقْ ،... يَادِيرةْ الليلْ
.............يَانبْضِهمْ ياحسَهم / يا حَزينّه !
السيل يبِكي لا تِصّافق معَ السيلْ
.............والرّيح تكفَخْ / بِـ الشّقا... يَامدِينه ..
الوّضِع ْ / مُبْكِي !والمَناظِر (مواويل)
.............وعْيونِهم شقّت / ثيّابْ السكينّه !
والْخَاطرْ اللي في ضُلوعَه / مِدّاهِيل
.............لأبيّات شِعْرّه - لا تِنّاغِم ْ حَنينّه !
تِسْتَنْجِد العذراء ولابه / مَحَاصِيل
.............وتموت به قفرى- تحت سيل عينه !
كان الشتاءاللي / ماغوّته (التفّاصيِلْ)
.............حتى (الدفا) ميّت على رّاحتِينّه ..
كّانْ الشقّا / كَانْ البطّا ، والبهّاذيلْ
.............ماكنّها الا ، مِعْشِبّه ،مِنْ يِمينه !....
ما / ماتتْ (الفرّحَه) !ولا !خيّم / الليل ْ ..
.............كلْ شيْ يدعو ، للفنا / والغَبينَه !
حتّى السؤّالْ اللي / جَنَتْه المَرَاسِيل ...
.............عِنْوانْ مكتّوبَه ، رقي في ( جبينه ) !
خروج نهائي
[poem="font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا عاد ترجي – يابطا الوقت مَدي = ماعادها في صادق حروف مرسال
ولاعادها في قدرتي او بيّدي = ووصالها فرقا ،وتفريقها ... وصال
حاولت اقلبّها على الحل ودي= انها تجي في كلمةٍ (سهل تنقال)
مانته بـعين ابوي او عين جدي = لو الغلا مايشرّحه قول وامثال ...
وليا سرّجت إخطاي والوقت ضدي= خلني اقفي دون توديع وإكمال
من وابل عيون الألم فاض خَدي= واقفيت ادندن للتصاريف موال
نوبٍ تبل عيوبها صوت ، (رَدي)=ونوبٍ يعلل (صمتها) قوّ الأثقال
بمسح دموعي في يديني واعدي = ادقاقها في ماضي ٍ كلها إجلال...
ثوب القسّم ماهو بقدك وقدي = خلنا نخلصها على بُعد وأميال ...[/poem]
.
.
.
لكم ، أجزل الوّد / إيلاف ...