عيد ميلادك اليوم
وانت متزوج ... سنه أولى زواج
زوجتك تحبك وماليه الدنيا عليك وتداري مزاجك وعصبيتك وانانيتك بعض الاحيان
تدري انها ماتعرف تعبر لك عن حبها بالكلام بس انت شايف كل شي بعيونها وتصرفاتها
وانت جالس في بيتك تجيك معفوسه
وتقول اليوم عيد ميلادك و انا اليوم عازمتك على العشاء
وابيك توديني بيت اهلي عشان خواتي يساعدوني اتجهز لك ونطلع انا وانت من هناك
وديتها لبيت اهلها وبعد ساعتين مريتها
ركبت معاك بسيارتك ومشيتو
قالت لك رح للمطعم اللي رحنا له انا وانت بشهر العسل
اللي ببرج ( ........ )
وانتم بالطريق فتحت شنطتها وطلعت سي دي
قالت لك لو سمحت شغل السي دي هذا فيه اغنيه بهديها لك
اخذت السي دي وانت قلبك طاير من الفرحه
شغلته وسألتها كم رقم الأغنيه
قالت لك رقمها 3
اخترت الاغنيه الثالثه وانت تطالع فيها قبل تبدا الاغنيه وهي ساكته
وحاطه يدها على خدها
بدت الأغنيه وبديت تسمع صوت سمسميه وكسرات
( حبيت طالب من الطلاب يا أستاذ أنا حالتي حاله ... يا أستاذ تسمح تفك الباب يمكن ألاقيه بالصاله )
و هي تطالع فيك وتضحك
وتقول أحبك
وتحلف لك انها تحبك
وانت تضحك من غرابة الموقف والأغنيه
وبينك وبين نفسك تقول الليله هذي شكل ماراح انساها
توصولون للبرج ويقابلكم السكيورتي
وتقولون نبغى المطعم الفلاني
ويقول عفوا عزيزي هذا المطعم محجوز لمدة ثلاث ساعات
وقتها تحس ان يومك اسود وتتضايق
وتمسك ايد زوجتك و تقول ليتنا ماجينا هنا
وانتم تمشون راحين لسيارتكم تضغط على ايدك بقوه وتوقف وانت توقف معاها
تقول لك بعلمك شي ولا تزعل
انت تبتسم وتقول علميني ماراح ازعل
تقول انا حاجزه المطعم بإسمك بس ماقلت شي للسكيورتي بشوف ردة فعلك
تمسك يدها وترجعون عند الاصنصير حق البرج
ويقابلكم نفس السيكورتي ويقول عفوا انا قلت لكم المطعم محجوز ثلاث ساعات
تجي انت وتعطيه اثباتك وتقول الحجز بإسمي لو تكرمت
يرحب فيكم ويسمح لكم بالدخول
الأجواء شاعريه والموسيقى كلاسيك وطاولتكم الوحيده اللي عليها شموع
محجوزه لشخصين
بعد ماجلستو شكرتها على المفاجأه الحلوه
وقعدت تضحك وقلت ماتوقعت انك بتسوين كذا بالذات لما سمعت اغنية حبيت طالب من الطلاب
ناظرت فيك وهي تضحك وحطت سبابتها على فمك وقالت
باقي دقيتين وتصير الساعه 12 ويكتب الله عمر جديد وعقبال العمر كله
انسى الاغنيه اللي بالسياره وفكر باللي جاي
انت تطالع بساعتك وهي تطالع فيك والموسيقى هاديه والأجواء خياليه
عقارب ساعتك وصلت 12 وانهت 29 سنه من عمرك ودخلت الثلاثين
وبدا صوت ابو نوره يملى اركان المكان :
حطني جوى بعيونك شوف بيا الدنيا كيف ... أحلى من شوقي وجنونك لما أجيلك يوم ضيف
http://www.6rbtop.com/library/resour...n/53322_hi.ram
تطالعك ودموعها تسيل
من قدك تحبك وانت دايم تفهمها غلط