.
.
جيبي بُكاء الناي .. نوح المقامات
ــــ بقتل جلوسي بآخر حدود .. عيني
شوفي الإعاقه تدعي بالإعاقات !
ــــ مقعد ويتلوث ( فضاء أكسجيني )
بيني وبين خيوط حلمك مسافات
ــــ ( يتبرزخ ) الإحساس بينك وبيني !
من نظره الرحمه لـ /وجه العلامات
ــــ تكبر ملامح موت كم .. تحتويني !!
قلتي أحبك قال صدري سلامات
ــــ وش لون أضمك وأرفعك في يديني
أخاف تتكسر جميع ... / العبارات
ــــ مع الإعاقه ينكسر بي .... حنيني
آسف بعبي جعبتي بـ / المتاهات
ــــ باخذ من عيونك ( سهر ) يعتريني
تكاتفت في داخلي كل الأصوات
ــــ صوتٍ يبيك وصوت عيّا .. يبيني !!
تجمدت لذّات في / عقر .. الآهات
ــــ بس إنصهار الآه ذوّب .. جبيني :/!
تدرين ليه أكره طلوع ..العمارات ؟
ــــ يهجم حيائي من أقول أرفعيني
.
.