[محمد السالم]

[poem="font="simplified arabic,4,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]تلطم الريح صدر النـافذه وتْهَـدا=ويستمر الضجيج بداخلي ما يحـيد

كن هالكون شـباكٍ يرد الصـدى=يكسر الريـح لكن ما منعـها تزيد

يالشبابيك ضيـّعتي زجاجك سدى=شوفي الريح تمرح في بيوت القصيد

بين حسن النـوايا واعتـماد الردا=ما خطر في حسابك منهو المسـتفيد

اصرخي ريح ..مادام الخريف ابتدا=اعبثي في الدفاتر والبثي في الجريد

ارهـبي هالـنوافذ كـلها ما عـدا=شـرفتـيـنٍ هدبها يسـقي البيد بيد

اصرخي واثبتي لي كيف مالي جدى=غـير املّ الكـتـابه واتأمّـل بعيد

اثبتي:العـمر ماله غير قولة(غـدا!)=كنه الـعيد مالـه غير قولة (سـعيد)

واثبتي: الـليل لاقبل صار ماله مدى=كل ما راح نـصفه يبـتدي من جديد

غنـي الـحلم جعل الواقـعيـه فدا=لثغة الريح لا مـرت بـشاعر وحيد

خلف حسد النوافـذ واقفٍ مـا هدا=يرسم الجيد عقد ويرسـم العقد جـيد[/poem]

لـ فهد المرسل