[عقاب الربع]

طيب وبعدين ؟؟؟؟؟

[poem="font="simplified arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]وشفتك في جهاتي عــــــــــابره عزت على التوطين=تقل شمة عطر من شخص فايت ماهو بيمك
ماهو من اليوم افكر بك واهوجس بك واحسبك دين=علي لازم افكربك واشيل بدنيتك همك
انا احساس البليد اللي قبـــــض جمر النوى عمرين=عمر قبلك وعمــــــرٍ من هباله يحسبه ضمك
قسم بالله أدعي في صــــــــــــــــلاواتي واقول آمين=وقسم بالله ماتــــــــــــت بك أمانيي ولا همك
على شاطيك طحت وكـــــــــــــنت انا محتاج للتلقين=وعلى شاطيك مــت ولا بكاني النورس بيمك
بقلبي فيه منك وداخـــــــــــل ضلوعي ووسط العين=بأرضي فيه منك وفي سماي شلون بـ آلمك
حفظك الله والله يـــــــســــعدك من قلب فـ (الدارين)=ياطهر الياسمــــــين وعطره اللي وده يشمك
حشمــــتك عن تفـــــــاهات الكلام وكل شــــيٍ شين=وذخرتك للدموع وطفلها الســــــقا اذا يهمك
يا أكبر طفلةٍ حـــــــــــــــول الثلاثين وتحتها شوين=تعدتك السنين ولا تعديتي حضــــــــــــن امك
تخافين الظلام ويرعــــــــــبك صوتي واعرفك زين=عبيطه تزعلين امك اذا تصــــــحى ولا تضمك
أسافرك بخيالي وابتــــــــــــــــسامة صوره وبيتين=واخاف ان الشعور لياارتبك في صمته يذمك
انا بقيد المكان ومــــــــــــكرم الاحـــــلام بالتلوين=على كيفي اشوفك وارســــمك واجيك واخمك
توطنتك منافي للجـــــــــهات بـــــدون كيف و وين=وحيد من الهجير أهذي يا ظل إستح على دمك
يعاتب هالنظر هذا المــــــدى يا طـــــفلة: النسرين=يالاقي خير وقع لا تـــــــــــــطير ملازمك همك
يرف طيفك علـــى غصــــن العيون وطيفك "مليعين"=واخصك حيل يا ريحة هلــــــــي ما أقبل آعمك
غرستك في تفاصيل الضلوع وصــــار لك غصنين=وتجذرتي بدمي واسمـــــــعك قبل الحكي بفمك
انا من يومـــــــــها من يوم اخبـــرك وارفه للحين=يبست ولايبست فـــيني دموعي وين هو كمك؟
انا طيب انا مــــــــــــــــــاني بطيب طيب وبعدين؟=اخاف تصدقين الاوله والــــــــــــــــثانيه غمك
انا ما غير افكر بك كـــــــــــــــــأنك لغز من بيتين =أنا هذا انا إقري حـــــــــــــــروفي كانها تهمك[/poem]