.
.
قرينا الريح : حدس اللا وطن بعيون أمانينا
ـــــ بقايا أيامنا .. سربٍ يعاكس هـ المدى الكذاب
نبت بذر الحنين اللي زرعناه .... أفـ أراضينا
ـــــ سقيناه الغضب : كله أنين .. و معمعه وعْتاب
ياليل الناي ماذاب الوله يعتق ..... أغانينا ؟
ـــــ عشان الصبح يتكتل ورود من تحتها اعشاب
وصوت أمي : ترى هذا الوطن تربه تنادينا
ـــــ وصوت أمك : جميع . أطفالنا يتلحفون غْياب
أجل ليه الكلام .. اللي : ترفرف به أذانينا
ـــــ مدام الحكي في غرفه مداخلها .. بدون أبواب
نشيل أبيات ضوضاء الجروح اللي تعنينا
ـــــ كثيره شعر لكن ما لقت ..... ديوان ولا كتاب
وهذا الشك يتيقن : .. أسامينا .... أسى مينا
ـــــ إلا من [ هدهد المنديل ] خدٍ ذاب لـ الغيّاب !
جمادٍ ينصهر / حتى المرايا .... من تعزينا
ـــــ يموت الصبر فـ وجيه التعب وأشباهنا ترتاب
بسيطه دام هـ الحاضر خذا من جور ماضينا
ـــــ وإذا جا فرحنا خيمه .. يجاورها الحزن أطناب
خذانا الليل بيدينه .. سهر .. مازال .. يطوينا
ـــــ لـ الأيام البعيده لـ إعتراك الذات / لـ الأحباب !
صديق العتمه علمني هل الأضواء / تحمينا ؟
ـــــ أو أن الغربه تتساقط سنابلها أبـ صدور يْباب
هتافات الضجيج الداخلي يرفض .... يسلينا
ـــــ صخب وآهآت موبوئه وتلبس هـ العضام ثياب
أبرحل لو طريقك من هنا .. يالله ... تخاوينا
ـــــ دروب الحزن .. وحده لو تنامى صمتها الكذاب
.
.