[خالد حمود]

حقيقةً وبعيداً عن أي زيف
ليس الموضوع (......)
ولكن لا أدري ،،
وليس الموضوع تطفّل
هي فقط ،،، صدق


،،،


شكراً أصدق من عيون العاشق بـ لحظة كآبه
..........شكراً اجمـل من سنيـن المبـدع بـ دربٍ يبيه
.
شكراً ارفع من دروب الغش واقوال الرتابه
..........شكراً اسمى من مكان الشيخ في نظرة ذويه
.
انتي انقى من هطول القطر من رحم السحابه
..........وانتي ابهى من حضور الشاعر القرم الوجيه
.
تختفي كل النجوم بـ ضوءها ،،، منّك مهابه
..........والقمر ،،،، يستـنتج إنه نجـم عنـدك تحتويه
.
يا عيـون اللي نذر عمـره لـك واهـداك بابه
..........ويا سنيـن اللي تحـلّى بـ الصّبر لو مـا يبيه
.
لو قصرت الرجل عن باب الوصول بـ لا اجابه
..........ما قصرت القلب عن مسيار قلب يموت فيه
.
تكـرهينـي ،،، تعشقـينـي كـلّها عـندي تشابه
..........ان كـرهتينـي احبـك ،، وان عشقـتينـي اتيه
.
ما الفّ ولا ادور ،،، ولا أبـي لـ احدٍ سرابه
..........ما ابـي إلا وضـوحك في عيـوني اشتريه

///
.
.
،