[خالد الغامدي]

[poem="font="arial,6,black,normal,normal" bkcolor="white" bkimage="" border="none,4,white" type=0 line=0 align=center use=ex num="0,black""]لاجتني الطعنه من الصف الامام=والله انـي ماحسبـت حسابهـا
البلى لاجات من خلف الزحـام=قلـت راعيهـا وربـي جابهـا
ما اكثر الحساد عشاق المـلام=ما اكثر الطعنات ماقسى نابهـا
من يقول ان الحمامـه للسـلام=والحمامـه لاعبـه فأصحابهـا
يوم مرت تلـت قليبـي وهـام=والعيون تصيـح ويـا اهدابهـا
لو نحاكي حسنها خلـف اللثـام=صرحت هالروح كل اعجابهـا
من كشف ستر الليالي والظـلام=من رقى روس العرب وارقابها
الحقيقه واضحه عنـد الكـلام=المحبـه كـم تجـور ابوابهـا
من فتحناها وحنا فـي خصـام=عايشيـن سنيـن فـي جلبابهـا
فوق متن البحر والربـان عـام=السفينـه ضيـعـت ركابـهـا
يوم كلن عاش من اجل الهيـام=المحبـه يشربـون اكوابـهـا
مرها من كاس عشـاق الغـرام=والامر من مرها مـن جابهـا
الحلال يتوه في درب الحـرام=والذنوب بجنب من هو صابهـا
الهجر في سلمهم عـز الوئـام=والجـروح تقـول ياطلابـهـا
يستوي الضدين والناتـج تمـام=وصادق العشـره مـع كذابهـا
من يخون يعيش مافيهـا مـلام=ومن يصون العشره مايهنى بها
ينحسب من خانها ضمن العظام=وينحسب من صانهـا خرابهـا
عندهم ان الوفى مابـه سـلام=والخيانـه آمـنـه لاحبابـهـا
الـردي دايـم يولـد اهتـمـام=يلفـت الانظـار دون اسبابهـا
ومسئله تفرض عليه الاحتـرام=فضهـا سيـره وقفـل بابـهـا
نظرته للنـاس تحتـاج احتكـام=والقضـيـه ملـلـت كتابـهـا
والخلاصه من سوابق هالكـلام=قلتهـا فيمـا يلـي بخطابـهـا
الكريمه رجلهـا ابـن الكـرام=والمواقـف مالهـا الا اشنابهـا
ومن نبح خلف القوافل واستقام=مادرى انـه مايهـز اصحابهـا
ولا غدى شخصك مثال الانهزام=احسب الحسبه وعيد احسابهـا
رابع الاركان معروف الصيـام=وماشكت مكه وسيـع رحابهـا [/poem]

خالد الغامدي(وافي الوعد)