[مشعل فايح]

باقي على الحبلين عن بركانك الثاير هوى
زفرة سنين.. والعمر توّه ما ارتوى.
باقي على الصدر الحزين
بس نبضتين.
ويستأذن الأزرق من جروحك
ورمادك.. وموتك قبل نوحك.

باقي على الحبلين بستان السنين اللي انتهت
قبل السنين
واشوف بعيوني المتاه
واشوفها دمعة بعين.

ارجوك لا تستعجلين..
والعمر يركض للسماء
والروح ما بين اصبعين.

كانوا هنا وانتي بعيد
وما كنت اظن اني انا وانتي سوى
بنمشي كذا صحبة زمن
بس الأكيد ان اللي مابيني وبينك
للأسف حبلين من جرح وصبر
ورغبة وكيد.
وانا تعرفيني .. يا ضيعة سنيني
ماني من احبابك.. ولا كنت ابشقا بك
كل اللي صار ان الطفل فيني غوى
واني بعد محتار..
ما كان لي اختار..
أصعب من دروب التعب انك تساق لمؤلك
وان الأمر ما يعود لك..

ويبقى على الحبلين عن بركانك الثاير هوى
زفرة سنين.. والعمر توّه ما ارتوى.
ويبقى على الصدر الحزين
بس نبضتين.