[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black"]
الموت ماهو روح شخصٍ توفى = الموت حيٍ تنتظره وماهو جاي
تعبت انتظرك ومابـــ.آتعفى = ابستبيح اللوم وآمَوّل غناي
لا يا بياض الصبح : (ليه يتخفى = صوتك) وانا مثلي مثل عازف الناي
مدري على قلبي انا بــ.آتشفى = والا الومه ليه يبحث خفاياي
دامك عسل هذا الزمان المصفى = حتى غيابك بالشهد صار حلواي
يتخيلك ليل الشتا ويتدفى = وشلون انا لو اتخيلك بــ.اشياي :
طفله معاها الشعر كفّى و وفّى =مثل الشعور اللي حَزِنْ من سِمِعْ : باااااااااي
وربي عذرتك كل مامنك كفّى = لو تصبحين بخير هذا هو مناي
كنت انتظرك وكان ليلي مطفّى = ابسمعك وآآآغيب بفجاج دنياي
أحلام ورديه وانا بــ.آتعفى = ابي اشربك واكمل تعب حلم مسراي[/poem]
الإهداء إلى النص السابق :
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لحظة وداعك احتضار وغيبتك ياطفلتي موت = اليا متى بالحياه لضحكتك يابنت أظما
يبست على بابك احلامي بها ربكه تبي تفوت = عيونك الما وانا احلامي تبي بس شربة الما
تخيلي مالي يدين آطق بابك ولا صوت = ان ماشعرتي شعور بوقفتي بلعون ابدما
جوعان لك يادرة الشرق البعيد ولا ابي توت = بردان لك ماغايتي جمرٍ بفمك لاجل احما
ياليتني كنت في ظلمة بحر في داخل الحوت = أخير من كل الملامح والوجيه وكل الاسما
مادامني كل ماأصحى احس الارض تابوت = وشلون ابي استانس واحس اني غصن يثمر وينما
ادفع ضريبة اسمي المشؤوم لامن صار منعوت = احس منهو يصوت لي عدو لكنه اعمى
امووت فيك وأكتم احساسي كثير بحزة الموت = ملعون ابو احساسي اذا يتعبك نفسيا ويهما[/poem]
الإهداء لـِ الْرُسُومَاتْ الْمُعْتَقَلَهْ :
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
يارسمةٍ مارسمها من بفنه رِسَمْ = ولا تجيبها فكرة الرسام بالرسمه
تطالع الرمح كنك ناسي انه جسم = والرمح كنه نسى لبسٍ ستر جسمه
خشيرتي بالمشاعر بس مالله قسم = ياشين هاللي يصير وياقشر قَسْمَهْ
مخنوق مااشهر على شحذة شهيق النسم = أشره على اربع جهاتٍ شحت بنسمه
قاع التساهيل جردا ماوسمها الوسم = والوسم فيها ضما ومضيعٍ وسمه
العمر يَحْسِمْ من سنين الوناسه حسم = والله شبت وبلشت ومت من حسمه
حرفين أدهى وألعن من مجرد اسم = من كثر بلواه نتناسى بنا اسمه
نحلم وكن الدروب تقول " قولو قسم :d "= على اللقا دروبكم ماتقبل القسمه
ياجرح الاحساس وش علمك علينا دسم = و وش علم عبراتنا بصدرونا دسمه
اخاف نبكي ولا يشعر ياكود الرسم = ويطيح دمع ويسيل الزيت بالرسمه[/poem]