[كريم العفيدلي]

مساجلة شعرية جمعتني مع أخي الغالي الشاعر مشعل الغبين ..اتمنى أن تحوز على الرضا:



















صوت :







(شهيدالهباري)











[poem=font="simplified arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا(مشعل) الغالي فلانـي بناسيـك=ينسـانـي الله لانسيـتـك واداري







يهل دمعـي كـل ماهـل طاريـك=واتذكرك في عزتـي وانكسـاري







يامسندي طايح ومطعـون غاليـك=من لاح زول معصبـات الهبـاري







تلبسهن الفتنـة ولا ردت باعطيـك=ماكنهـن ياكـود شبـه الحـواري







ياحظ قلبي لونصيبـي مـع ذيـك=ام العيـون مغيّـرة كـل طـاري







ذقت العنا فيهن وعشـت التهاليـك=ومن جورهن شفت النجوم الظهاري







ريمٍ علـى ريـمٍ تحبّـط هقاويـك=ماراعها في دو الاقفـار ضـاري







إلا اطرحتني لعنبوها وانـا آخيـك=عبدالكريـم ، وكبريائـي وثـاري







اسيح كالبهلـول ومامـن مداريـك=مابين ربعـي مجهـشٍ بالعبـاري







لا جاك علمي يارفيقـي باوصيـك=لاتذرف دموعك حذاري ..حذاري







أكتب على قبري عبـارة باياديـك=هـذا شهيـد معصّبـات الهبـاري [/poem]







عبدالكريم العفيدلي











صدى:







(طفل عاري)





[poem=font="simplified arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



الغالي اللي يفتخـر بـك مماشيـك=عبد الكريم،اللي بك الطيب جـاري







جيتك أنا وحروف شعري نواسيـك=ماقوى انا الدمعه علـى نـور داري







الحب جرح،بس حبيبـك يشافيـك=من نظرةٍ منـه ولـو مـر سـاري







أو بسمةٍ أو شبـك يـده بياديـك=وأن ماحصل تشفى ولو مر طـاري







قلـبٍ بليـا حـب الله يـوريـك=كنه مساحـة خاليـه بالصحـاري







وحبٍ بليـا صـدق والله يبكّيـك=تبكي وكنك طفـل بالبـرد عـاري







أدعي انـا مـن قلـب الله يبرّيـك=من حب كاذب في زمـان العـذاري







عبد الكريم، أرجوك خلنـي أناديـك=بأسم الغلا والطيب هن لك مبـاري







جتني حروفك جيت بالشوق أغنيك=جيتك يا أغلى شخص فكك حصاري







ويالله عسى ربـي يجيبـك لمغليـك=ويرتاح قلبـك ذاق بعـده مـراري [/poem]











مشعل الغبين