الباب هـذا بـاب بيتـك .. بـس مـا يفتـح عليـه!
البـاب هـذا لـو فتحتـه .. تنفتـح لــيّ الحـيـاه
وانـا وراه .. احـسّ كـان الدمـع تخنقنـي يـديـه
احـسّ كانه حـدّ منفـى .. (والوطـن) كـلّـه وراه
صوتك وحشني( يا وطن) .. وأحترت وين القاه فيـه؟!
وأمسيت اغني به .. وانا اللّي كنت اغنّي لـه معـاه !
وحشني صوتك (يا وطن) .. وأمسيت اغنّي : ليــــــــــــــه؟..ليـــــــــــــــــه؟•
ليه الكلام اللي نقـوله يمـوت فـي سكـة صـــــــــــداه؟!
ليـه الدوايـر تنتهـي مـع دربهـا اللـي تبتديـه؟!
ليه الشوارع ساكتـه .. والنـاس كـلٍ فـي هـواه؟!
ليـه اليديـن تصـدّ عـن شـيٍٍ تبيـه وتشتهيـه؟!..
يـوم العيـون تسابـق الجايـع علـى لقمـة عشـاه!
علمّتني في صف (أول حبـك) .. ان اكبـر سفيـه.. الي........
اذا حـسّ بغـلا خلّـه يفـرّط فـي غـلاه
طيّب علامك .. كل ما زدتـك غـلا .. تـزداد تيـه
آهات والله يـا وطن..حتـى ولـو مـا قلـت : "آه"