حزين ومورقه عيوني دموع ٍ من على الاهداب
يهزهزني الجفا وتطيح دموعي من أخر اهدابي
ذبل عمري ولا مرو على هذا العمـر غيـاب
وتتساقط عيون اللي رحلو فـي داخـل كتابـي
مسكت اللي قدرت اكتب تفاصيله في وسط كتاب
مثل شوق المطر لما يعانـق وحشـة ترابـي
اشم الدمع من ليل المواجـع والسنيـن اعتـاب
وعرفت ان الحنين الريح وجابت ريحة احبابـي
وانا لا مرني لو هو عطر من ريحة الأحبـاب
ابتسمت وكل مافيني يطمن رعشـة اصوابـي
انا المطفي تحت سقف الحياه ووحشة الابـواب
مادام ان الوله علق عيوني مـن علـى ابوابـي
يجون وأكثري يشعل أمل من جمرة الاعصاب
يجون ولا لقيت الا الأمل معطوب بأعصابـي
وجوني اغراب وراحو مثل ماجوني بعد اغراب
ارحلو من قبل لايطفي العطر بكفوف ترحابـي
غريب الوقت او الناس الغريبه بكلمة الاحبـاب
اشوف الدمع فيهم مثل ماشفتـه علـى اهدابـي
سالم سيار