وش الأو ضاع ؟
حلمي فيك باقي به أمل أو ضاع؟
انا ضعتك على النيه
وبلا اسرار دليتك علانيه
يا اغرب من عصى قلبي وقلبي طاع !
ما يحتاج انك تلمح
اذا ناوي تغيب هناك
شتت كل افراحي وجمع هالغياب وغيب
ياعمي غيب
واسس لك وطن مبني على التغريب
ياعمي غيب
وإدفن رحمتك في تربة التعذيب
متى اصلا بعثرة غيمة حضورك صبت الترتيب
ومتى هذا الغياب اللي عشقته عشق يالقاطع
يخاف ويستحي من العيب
ياعمي غيب
واذا حسيت في صدرك حنين وشوق
تسلى واسفهل وروق
لا تهتم وتفكر بي
ثواني وينتهي كل شي
ثواني فكر إن مافي أحد ياشيخ يستاهل
بتخفض له جناج الذل
ولافي أحد يستاهل ضلوعك
تنفرش له زل
لا يكسر خاطرك قلب الهجير ليا وقف يائس ينادي و اشتهى بك ظل
ياعمي غيب
واتعبني
وإهدم كل ماكنت ابني
ياعمي اقسى بلا تفكير بلا حتى ثواني وطيش
ياعمي انسى الجريج وطير بلا حتى اماني وريش
ياعم إرسى على التنطيش
اهم اشيائي بالدنيا سلامة قلبك الطيب وعساك انتَ سعيد تعيش
ياعمي غيب
ورب البيت مو مسموح
لكن روح
وكل ما تبتعد خطوه احس فيها بطلعة روح
مسافاتك تكونها ترا لحالك
معك ماني مكونها
ولا لي خلق الونها
مدام لياكبرت يكبر
تعب هذا المدى الأغبر
بنتباااعد؟
اجل مره لا تتمنى تجي صدفه ونتلاقى
ترا حتى الوعد منك بعد يحتاج للصدفه
وترا حتى الصدف منك بعد تحتاج لمواعد !