[بعد الليل]

يارب .. يارب .. عطني عدو !!


سولفت للغيم بعض اللـي تحملتـه
لجّت بروقه بصدره ضيق من حالي

قلت القليل وكثير أهملت ما قلتـه
وأشوفه أرخى جفونه يبكي قبالـي

لو شيّلته السنين السود ما شلتـه
ما ظل بالأرض نبت ولا لها والـي

هذا وأنا راحمه ومطوّف أسئلتـه
وشلون لو جبت قصّة (مي) بالتالي

ما ظل بالأرض شبرٍ ما بعد جلتـه
طرقي وأجر اللحون وكنّي الجالـي

كم غصن مريت أهيجن لين ميّلته
كم درب غنّيت له حزني وغنّى لي

طفلٍ خذاني زماني غدر وأبحلتـه
كم مرّبي في سنين البؤس يبرالي

وكم غرّر أعز خلق الله وأهملتـه
ما يغري ألا عزيز وصاحب وغالي

يرمي بهـم ذلٍ بوجهـي و ذلّلتـه
صدّيت ما كن ذا عمّي ولا خالـي

وخاواني لكثر ماني طيـب جمّلتـه
يصب لي حنظله وأقول له حالـي

راح أوّلـه مقفـيٍ بالعـز كلّلتـه
عن ما ينقّص بقدري شمت متعالي

سكين وقتي يحـاول ليـن ملّلتـه
والخبل شرهان بيده يقطع حبالـي

يـارب عطنـي عـدوٍ لا تمقلتـه
يملى عيوني وكفو يكون لأمثالـي

الأثم في مثـل هـذا مـا تحللتـه
لا صرت عالي فخصمك خلّه العالي

لــــ الوعي نواف التركي