.
.
فهَد السعّدي
قال وش بك؟
قلت افكر كيف اخلي الحب يكبر
والبعاد ان ماتلاشى عكس عمر الناس يصغر
هز كتفه
هز كتفه / وقال يمكن
يعني عادي لو فؤادي
طاح من صدري وتكسر
يعني اني مااهمه
ولا جرى حبي فـ دمه
ولا تذكر
ماتذكر
ان صدري كان ارحب
من جميع الناس ارحب
كان ارحب
كل ماهالأرض ضاقت به
وياسه قام يكبر
قام يكبر
ولاتذكر
ماتذكر
اني اللي عشت لجله
ومت لجله
مت لجله ثم حييت
كل ماجى الموت يمه
لجل اضمه بين احضاني اضمه
لين فيني الموت يظفر
لين فيني الموت يظفر
وماتذكر ماتذكر
يافؤادي وش بلا هالناس تقسى
يافؤادي
والزمن هذا زمنا او زمنا قد تغير
هو تغير
او هو صوتي ماوصل له يوم انادي
والا صوتي لو وصل له / ماوصل له مايأثر
ليه كلما جيت ادور لك بلادٍ في بلادي
صرت احس اني غريبٍ في بلادي يوم ادور
لا قيمنا هي قيمنا
ولا مبادينا مبادي
والوجوه اللي تبقت
والله انها ماتبشر
آه منك
وآه مني
وآه من دمعي ومدادي
وآه منهم
آه لأنهم
قالوا لـ قلبه تحجر
وماتأخر
ماتأخر لين ينسى كل ودادي
وصار عادي يا فؤادي
اتطيح من صدري اتكسر
وقيل وش بك
قيل وش بك
قلت مادري
قلت مادري
قلت مادري