السلام عليكم و رحمة الله و بركاته و بعد
اليكم بهذه لا اعلم ما مدى قابليتها لنشر من عدمه
..............................
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ناحـت الورقـا و جـرة لحنهـا ونـه بـونّـه=تشتكـي مـن همهـا باللحـن لغصـونً حزينـه
طالـت الونـه فـؤادي بعـد مـا هـن زودنّـه=مع غروب الشمس دمعاً فشلـت بمسحـه يدينـه
يا حمامـه شاعـرك فـي هـذه اللحظـات كنّـه=طفل لسى في شهـوره و احرقـه لمّـه حنينـه
مل من شوف النساء من بعد ما جـن يرضعنّـه=ما قنع من ريحة امه لـو طـوى حزنـه سنينـه
كل ما قال انها بيـن النسـاء ثـم خـاب ظنّـه=طاحت الدمعه و صاحة كـل الأضـلاع السجينـه
مـا يطيـع ولـو بعضهـن بالحنـان يراودنّـه=وافـيً فالحـب لمّـه مـا غلـب خوفـه للينـه
مثـل حالـه يـا حمامـه او ظروفـي شابهنّـه=ضايعاً بيـن البشـر و الوقـت عيـا لا يعينـه
كل ما قالـت الهواجـس مـن فـؤادي فاختنّـه=قلت يا شمس الفـرح نـورك علينـا تنثرينـه ؟
ضاقـت الدنيـاء بقلبـي ثـم همومـه لا حقنّـه=ثم بداء دمي يوقّـف مـن فـؤادي فـي وتينـه
عـادة الاحـزان قلبـي و المصايـب يعرفـنّـه=تعب من جور الزمن من بعد مـا ضيـع عوينـه
ما بقـى بـالارض شخـصً هالضمايـر يأمننّـه=لو حكوا كل البشر طبـع الوفـاء هـم محتوينـه
كل ما جربت شخص و قلـت عنّـه يمكـن انّـه=صادقً في كل مـا يخفـي وراء قلبـه و عينـه
انكشف سـره لعينـي ضاعـت الهقـوات منّـه=ليه ضاع من البشر يا كـون صـدقً مدعينـه ؟
وين عـودك داعـب الاوتـار يمكـن يطربنّـه=دامك الفنان مـن عصـرً مضـى لـه معجبينـه
اعزف اوتارك و خل الحـان عـودك يفضحنّـه=خل مـن عزفـك همومـه للبشـر دايـم تدينـه
دوك ونـة خافقـي نغمـات عـودك جاوبـنّـه=خل من هم القـدر نطـرب بهـا الـي محترينـه
يا عزيـز القـوم ليـه افـراح قلبـك حاربنّـه=ليه يا ظـروف الليالـي دايـم انتـم ظالمينـه ؟
شاعـرك قلبـه غريـر و هالقوافـي لاعبـنّـه=عاش فـي دنيـاه هايـم بيـن نـاسً خادعينـه
يا رمل صحـرا النفـود الـي عيونـي يعشقنّـه=سا عدني فـي صـوابً طعنتـه صعبـه مكينـه
إن هربت من الوحوش اطيح فـي حـدبً مسنّـه=و إن سلكت اقصى الدروب اطيح في منصب كمينه
قلت اوقـف فـي طريـق الهـم يمكـن يرتمنّـه=جعلي القاء فـي جيوشـي نظـرةً منهـم فطينـه
يالعـدى روحـوا وراكـم مالكـم فضـلاً ومنّـه=مـن خطاكـم هالكواكـب فعلكـم هـم مزدرينـه
امتلـك حلـمً يحـول لاهـب النـيـران جـنّـه=وان تعدى الصبر فيني احـرق الـي حاضرينـه
آه مـن عشـقً غدابـي و المهالـك يحتـونّـه=و آه مـن حـظً رمابـي فـي طريـقً سالكينـه
كـل مـا امشـي طريـقً و الخطـاوي يسلكنّـه=اكتشف بأن الضـواري فـي طريقـه محترينـه
يا طيور الجو خوذو ما حـوى صـدري و كنّـه=قصـةً فيهـا طعـون و نبرتـي فيهـا حزينـه
ابـدويً ضايـعـاً حــر المسـايـم يلفحـنّـه=ليـه قولـي يالـذواري بالسوافـي تلفحيـنـه ؟
لا جروحـاً تقتلـه و لا حـيـاةً بـيـن جـنّـه=مـا جـداه الا يراكـي كـف يـده فـي جبينـه
صار مشراف الوطا مع غيبة الشمس الـه سنّـه=كل ما يخجل شفق حد السمـاء يصـرخ قرينـه
ما غبني فعـل طيـب لـو سهومـه لـي مطنّـه=البلاء يـوم الـردي هـاز الجبـل و الله غبينـه
كيف صار اردى البشر لي حربها دايـم تشنّـه ؟=يحسبوني من طعون الوقت لـي نفـسً رهينـه [/POEM]
و سلامتكم