ما جيت وقتي بعد ما فاتني فوته ..
.. .. .. .. .. .. لو قلت لخطاي في دربي تأنيني ..
جيته مثل غصن تدلا بي بخوته ..
.. .. .. .. .. ..ان ما قطف وحدتي او لا يثنيني ..
واللي ذخر ما كتبه لما بعد موته ..
.. .. .. .. .. .. لا صرت انا اياه يا ذكراي هنيني ..
شاعر يسيل كلامه غيمة سكوته ..
.. .. .. .. .. .. لا قال يا مجدبات القاف عِنيني ..
من ونة ايتام شعره حول تابوته ..
.. .. .. .. .. .. لكن نخاها دخيلك لا تونيني ..
مثلي اذا ما تعمر صيته بيوته ..
.. .. .. .. .. ..جعل الزمن مايجود بما يمنيني ..
والبحر لو يحرمك دره وياقوته ..
.. .. .. .. .. .. رزقك بشاطيه ولشاطيه دنيني ..
يامترفة شاعرك عاف الفرح صوته ..
.. .. .. .. .. .. ودي اهيجن عنا تكفين عنيني ..
ايامي اوتار واقدار العمر نوته ..
.. .. .. .. .. .. تفنني .. دوزنيها .. ثم غنيني ..
ماودي اعيش عيشة زيف ممقوته ..
.. .. .. .. .. .. في شرع من يعشقون الصدق سنيني ..
يا مشرب المنهك المتعب ويا قوته ..
.. .. .. .. .. .. اليا ضميتك وجعتك لا تحنيني ..
دامك على ضلع من بك جن منحوته ..
.. .. .. .. .. ..اقصى حدود العقل لما تجنيني ..
حربك انا لو زمانك جار طاغوته ..
.. .. .. .. .. ..لكن على مين ياحسرة تشنيني ..
خلك مثل قنبلة بالصبر موقوته ..
.. .. .. .. .. ..ولو انفجرتي بدم البوح حنيني ..
واخر رجا من غدا التايه من نعوته ..
.. .. .. .. .. ..هويتي ضايعة ممكن تبنيني ..!
- محمد بن علي السعيد ( السعوديه)
__________
-عنوان النص ( تجربة حلم) ..
- مطلع مجرم وبداية جميله وقافية تعود عليه وتصف هذا السعّد للشعر
-نص فعلاً استحق هذا العنوان ( تجربة حلم) وكيف تكون تجربة الحلم ؟
- وبدأ بمحادثة ملهمته ( يا مترفه) وانتقلنا الى شاعر عاطفي جداً
ولم تغيب الذات وانفاسه عن النص
مفرده / شعور / شاعريه
لم تخذلني واجمل مما توقعت ...
وختام ( طاغي ورائع)
السعيد : شكراً للمساء الذي جاء بك ...
_______________________