يالراعيه
حوشي بهيمك عن طريق الغاليه
هبّ الهوى قاسي الهوى يا الراعيه
بيني وبينك عشب حظ ٍيابس ٍ
عشقي فقير الحال و انتي ساليه
لا تنشدين القلب عن مرعى الهوى
عجّ الهجر حرّق زهور الرابيه
علّ العواذل ما تشوفك ساهره
هجر الهواوي زيّ سلخ الماشيه
بنتٍ يجيها الليل عطر تلبسه
بنت ٍبناها الغيم دار ٍعاليه
تشبه عيونك يالغريبه قصتي
وسط العيون السود دمعه صافيه
رمضا ديارك مثل رمضا موعدي
حافي عليها مثل منتي حافيه
قسوة نهارك من سموم القايله
أهون من اللي وسط ذكرى قاسيه
هبت همومي كيف من يمك تجي
تستر عباتك ما أبيّح خافيه
هذا مكان ٍ شاف للعابر بكا
دونه خيام الحب دار الضاويه
مدي فراشك للأماني الضايعه
هبّ الهوى حن الهوى يالغاليه
20/4/1430 هـ