.
.
.
.
يطول الدرب .. والمشرق يبشّرني بعكـس السيـر
___________وتسألني الـ( أنا ) واحتار .. واتساءل: أنا وينـي ؟
جنود الله فـي طاعـه .. تحـرّى موجـة التغييـر
___________على ( كُنْ ) تنتهي قصة حيـاة(ن) فـي شرايينـي
سؤال أردده ساهـر ويصفعنـي صـدى التقصيـر
___________وتصرخ بي .. ريـاح الأمنيـات الضايعـه فينـي
حياتي ../ أُمّتي ../ والطُهر الأقصى يحتري التحرير
___________ودين الله يتضـرّع واحـس دموعـه افـ/ عينـي
مشيت أيـام محسوبـه وحلمـي لايـزال صغيـر
___________ولكني عجزت افـرح واشـوف الهـم فـي دينـي
تشتت شمل دنيتنـا .. ومـا لـ/ شتاتهـا تفسيـر
___________أجل أختار .. إن كانـي أبينـي والا مـا ابينـي ؟
تدور الدائرة ويـدور معهـا الشعـب فـي تخديـر
___________وأتردد ما بيـن اللـي يسـاري أو علـى يمينـي
تعبـت !
تعبت وشمسنا ترفض تصحيني بـ/ صبـاح الخيـر
___________وكل لحظه .. يظللنـي الحـزن .. ويكبّـل يدينـي
أتمتم .. والحنيـن يجمّـد لسانـي عـن التعبيـر
___________ويدركني سكـون المشهـد الآسـي ../ ويضنينـي
إذا جت غاشيـة ربـي وحـق الوعـد والتحذيـر
___________مـا اظـن إن المبـادئ وحدهـا زاد(ن) يكفّينـي
ألا لو ينطق المنبر ويشفـي صـدري ابـ/ تكبيـر
___________يقول من الكـلام أعظـم .. بنبـرات(ن) تبكّينـي:
..(
أنا الضميآاآن.. من شـح المعالـي والرجـال تعيـر
___________مسامعها .. لـ/ أشباه الأوادم .. تشـرب سنينـي!
أنا اللي شاعر ابـ/ همّي وإحساسي مشاعـر غيـر
___________وأنا اللي حايرة غصّـة حروفـي بينـي .. وبينـي
علام الناس مـن بعـد التقـرّب غاويـة تنفيـر ؟
___________علام الناس تسمع لـ/ النـدا وتستكثـر تجينـي ؟
)..
وأنآآام .. وجمـرة العِـزّة يعـذّب نبضهـا تبريـر
___________وش اللـي اقـدر اقدّمـه وحـدي.. ولا أمنينـي؟!
إذا إنسان له قدره .. واخـوه انسـان لـه تحقيـر
___________من اين ألقى علاجـي؟ ويـن؟ علمنـي أداوينـي
من اين ألقى علاجـي؟
ويـن؟
علمنـي
أداوينـي
محمد الكحلاني