[عبدالرحمن القاضي]

المشاركة الأصلية كتبت بواسطة حنين عمر

ملامــــح المـــــدينة الأخيــــرة

مختلف طعم المدينة بشفتي...
ما له شعور...!!!
كأني الغياب اللي نسى طعم الحضورْ
وكأنه الحضور اللي نسى طعم الغيابْ
مختلف...
كأنه الألم اللي ابتسم حدّ الجرح / قفـــّل نزيفه بالملح
وكأنه مفاتيح الجحيم اللي بها نفتح تهاويل العذابْ
قبل الحسابْ.

مختلف :
طعم السما / وغيثٍ همى / وشكل السحابْ
وهذي الشوارع ...
والرصيف اللي من الخطواتِ تابْ
وهذا السكوتْ...
وانتمائي اللي أحسه بي يموتْ
وهذا الشجن...
اللي غفى حد الهدبْ/ بعد التعبْ
وارخى على خدي مسافات الوهنْ
وهذا الوجود اللي تمازج بالعدم
وهذا الجمود اللي ندم / لما قتل كل انسكابْ

مختلف طعم المدينة بشفتي :
طعم الحلاوة بشايها وطعم المرار بدنيتي.
ويا حسرتي...
كل شي تشابه في المرايا بدمعتي
وهذا القدر اللي انقهر من قسمتي
لمّ الحقايب / ما انتظرْ ...
شال نفسه وجرّ أنفاسي وغابْ.

مختلف طعم المدينة بشفتي...
لو أنا...
عندي حنينْ لغربتي ؟؟؟
وهذا الزمن وجهه غريب بلا ملامحْ / ما يحنْ ولا يسامحْ
والعمر مدة عقابْ...
والحلم وهم العطاشى اللي مشوا خلف السرابْ !!!!

حنين*

الأستاذة : حنين عمر
جميل ماقرأته هاهنا
دمت ِ بخير..