احتطب فيني وداعك واشتعـل حزنـي ضرامـه
شال كيـدي كـل همـي وانثنـى فينـي غـرام
قلت يا جـارح حنينـي مابقـى فينـي خصامـه
اشتقـى كونـي لذنـبـك واستبـاحـه الـكـلام
حبك الي عـز فينـي ترتقـي لـه كـل هامـه.
حبك الـي دوم نـادى وانتخـى بـي واستهـام
مابقـى باليـوم ذكـرى لا نـفـل ولا خـزامـه
مابقى لي غير صدقي في قلوبـن مـن ظـلام!!
احترس فينـي جنونـي لا ملكـت بـه انهزامـه
وانتصر فينـي غيابـك ...اسهـرك ثمـن انـام
جيت اعاود ذكرى حبك جيت اجدد لـك غرامـه
كـل مابـي لـك تعـذر حتـى ابسـط المـلام
جيت عاذل سهر جفني وش بلا ه وش علامـه؟
هاجـر بهمـك عنـادي تطعـن الفرقـا بسـلام
بس تعالت خطوتي لك ماتبـي غيـر الزعامـه
ماقدر يعسف وضوحي ولا قدر يرخـي لجـام!!
لارتخى جرحي يشده ولاجمحت ارخـى لجامـه
بين عنفي ..بين طوعي ضاعت ايامـي حـرام!!
وش بقـى منـا تكلـم هـو بقـى فيناابتسـامـه
شوف شوقي اللي تبعثر ....ضيعه كثر الخصام!!!
وكان ذنبي من زمانـي قلـة احسـاس الشهامـه
صرت ابعد من زمانـن سـوّد وجيـه الكـرام !!