ياعبدالناصر ..
أغلب الإمتعاضات التي سمعتها كانت من " النساء " ..
لأن إستهتار الرجل في هكذا امر اساسي .. يقتل و يُفقد الثقه بالنفس
مي هه
ذكرتيني بوحدة لبست واتغنجت وكلفت على خاطرها حبة عيني ,كانت مهيئة لاستقبال زوجها بشكل مفاجئ
فاجأها بمقولة : تلبسين كدا وركبك سود ...؟( شوفي التحطيم وقلة الحيا لفين )
دخت لما سمعت الهرجة ...! قلت لو هي بنت أبوها تلبسلو خيشة يمكن تملى عينو !
مشكلة الرجل عندنا كمان يامي , تظل عينو على بنات الكليبات والمذيعات واللبنانيات والسوريات والمغربيات والأندنوسيات حتى !
ماعندو وعي إنو مثل ماهي بنت الناس بعيبها , له عيوب وهي متقبلتها بقناعة لجوهرو ..
البعض ينقصهم الأسلوب في اختيار الكلمات , وبعضهم شاطر على الحبيبة الصديقة وعند زوجتو خاربها ومسوي كرتون نشا . وناس تانيا لسانو سكر لكن تعاملو من " جنب القدّه"
وغيرهم لاتعامل ولا كلام ويبغو بنت الناس تكون صاروخ أرض جو , وفوق دا يقلك , " لازم أغير الفاكهة " !!!! عجيب ..
كل دا له تأثير على اللقاء الحميمي بين الإتنين , اتخيلي معاي: وحدة تلتقي بزوجها لأنها مهمة لاغير ! أو وهي خايفا يشوف شي مايعجبو لأنو سبق ولفت نظرها لشغلا الله خلقها بيها ,
طيب , تخيليها تسوي الي تسويه من غير نفس لأنها عارفا يقينا انها ماراح تملا عينو ولا راح يعجبو منها شي مهما سوت ..
(( إحبـــاط ))
نجي هنا ونتكلم عن شروط العلاقة الجنسية والي أهم سبب فيها الإرتياح بين الإتنين , ولازم من الحب , مش حب الجسد , حب الروح للروح ,,,هنا توصل لقمتها , بعيد كل البعد عن اللذة الجنسية نفسها ..
قرأت رد الأخ ماجد مستور العتيبي وكان جميل بالنسبة للمرأة , لكن فين الرجل من دا كلو ! برضو يلعب دور سي سيد ! . المرأة تطبخ وتنفخ , وتتصلح وتتشيك وتعاملو على اساس انو طفل , طيب , ليش الرجل مايعرف الي له والي عليه كمان؟ .. سمعت من متزوجات كتار , انو ناويين الطلاق لأن أزواجهم مالهم حسن نظافة جسدية ولاعندهم أسس ترتيب شخصية , وينتظر من المرأة الأفضل . هنا أقدر أقول العطاء من الجانبين مطلوب , المرأة مهي مكينة ليل نهار تشتغل ,,,
الفكرة :
- تقبل الرجل للمرأة والعكس, بكل العيوب الشخصية سواء ظاهرة أو غيرو ,
- حسن التعامل والمعشر .
- معاملة المرأة على أساس " مثل ماتحب الناس يعاملوك عاملهم " , وما تقنعني فكرة ان الزوجة من أهل البيت , لاء لها حقوقها الإنسانية بعيد عن الخاصة .وأكتر من غيرها .
- كمان النظافة الشخصية مهمة . ولا أعترف ان الرجل عادي يكون مدهمل والا ممردغ في عرق والا تراب وقرف وزوجتو لازم تتحملو .
-الأسلوب مهم. الكلام , الهمس , واختيار الطريقة الي تريح الطرفين في مسألة الإتصال ..
أنا لو اتكلمت أكتر راح أغلط , فمراعاةً للذوق العام لهنا وراح أوقف ومتابعة ..