[فهد الغبين]

[poem=font="simplified arabic,5,indigo,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لامن تعدى الثلث الأخر ..من الليل=وكلن توسد ماتوسد ..وثم نام
بـ /أشعلك من ضلوع صدري قناديل=واشب ليل ..تو من غفوته قام
وامول بصدري من الااه ..تمويل=وكن صدر الغيم ..واغيّم هيام
على الذي مافيه مثله ب هالجيل=منتوق عنق ٍ فيه وقوسين وسهام
لالدهن ..للي يحوف المحاصيل=يعرج به الخاطر ..ويصفن وينضام
من فوق ورد ٍ جوري ٍ غطي بليل=في بدر ..ليل ٍ ..كامل ٍ بالحلا تام
عليه أنوح وازعج الصوت بالويل=واقول ياهل الحب ياناس ياسلام
وش حيلة اللي حب له فاتن ٍ حييل=ولايعرفها ..واغرست قلبه حسام
بنت ٍ ..يقول الزين ..فيها التماثيل=لعل ..أو ياليت ..تعطيه ..الاقدام
اللي ..مواطيها على القاع ك السيل=تنبت ..قفار ..قبل تاطى بها هشام
اللي خذتني ..وارحلت بي ..وانا حليل=معها ..ولاني يوم معها ..لي اعوام
اشوفها ..من تغمض العين ..واسيل=في غيها اللي ..غاب فيني ولا ..دام
كن العيون ..بشوفه مسرح ..وليل=وكن الجفون ستار ..يسدل ل الالهام
ياهنوه ..ياموت المنادي ..كفى ميل=ما للمعاني ..بي تعاني ..ولا تنام
[/poem]