من جديده الذي أُتابع
مُختلف / يعنينا / يكتبنا ... بــ صمت !
الصمت والمينا ..!!
تعال أفتح لك أزرار الحديث وغننـي يامـال
تراني مركبٍ مـلّ السفـر وأشتـاق للمينـا
كنْ النهّام وأصدح بالحنين لضايقيـن البـال
عسى تقدر تعبّرنا المدى في حـزن أغانينـا
كتبنا لين ملّتنـا القلـوب وطـوّل الترحـال
كذبنا ليـن صدّقنـا الكـلام وصـار امانينـا
خذ الأقلام والأحلام ما عـادت تسـرّ الحـال
ولا تنفـع ولا تشفـع ولا تسمـن وتغنينـا
يا نهّام الفجر نـوره يفـجّ الليـل للغربـال
وبكره مدري لـوين القـدر يبغـى يمشينـا
تطلّ الشمس فعيون السهارى تذبـح الأمـال
ويبعثنا المسـا مـن قبرنـا ونعيشنـا فينـا
كذا والفارغين أضحوا هـل الأراء والأقـوال
كذا صارت مصيبتنا العظيمـة فـي مبادينـا
تركنا الأرض للسخف الكبير وضحكة الجهّال
زهدناها بعـد ملّـت مـن التربـة خطاوينـا
يا نهّام الحديث يقلّب الأوجاع لا مـن طـال
وحنّا حائط المبكـى غـدت مثلـه حكاوينـا
فـهل نستجدي الغيم الغثيث يبـرّ بالهمّـال ؟
أو نطاوع صلابة روسنا اللي مـا تخلينـا ؟
على طرق الحنين وطاري الغالين واليا مـال
دخيلك شوف لي عن هالحديث الصمت والمينا
لــــ الوعي نواف التركي 