[لطيفه الشمري]

اولى ... لـ قلوبكم ..!

[poem=font=",5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

اتوادع القمـرا حـدود الفجـر والنويّـر=وتسلـم العهـده شعـاع الشمـس والفيّـه
ويبتدي يـوم ويخـون الهاجـس التعبيـر=واذبح قوافيـيّ واسـوق دموعـي الديّـه
جمرً تلضى واوقده بالزيـف نافـخ كيـر=طالن مـن انفاسـه خباثـة نـاره الحيّـه
وتثور انفاس المواجـع تطلـب التخديـر=وتنكتـم ونـه بصـدرً زفـرتـه سـيّـه
واسمع ترانيم الغلا مـع نغمـة التحذيـر=ويوقـف العقـرب يوقـت حـزة الجيّـه
يارق من نسمة غلا حسيتهـا بـعصيـر=ضميتها طيـفً طـرح بالخـد جوريّـه
جربت مع حبك سياسـة رحلـة التهجيـر=وعيا يتنازل عـن منابـع قلبـي وريّـه
ماعاد لي قدره على احساس الضما والبير=مابيني وبينـه سـوى خطـوات وشويّـه
ياما تهاوت هقوة الغالي وصـارت غيـر=وياما خذينا من الفراق ومن بعـض شيّـه
يالذة احسـاسً تحـرى موعـد التكبيـر=صوت الجفـا اذن يصحـى غفلـةً فيّـه
اشبّه احساس الهوى اليا انتخى بـه طيـر=( صدري سما واحساس قلبي لاانتخى زيّه)
تعبت اطلب من غـلاه الوقـت والتقديـر=تعبت استوعـب جفـاه وغطرسـة غيّـه
ياشعره المذهـل تعلـم وصفـة التشفيـر=خل المطايا وضح واستحضر صفا النيّـه
يامنتهـى فنـه فشلـت بهندسـة تعميـر=صرحً هـدم فينـي ملامـح رقـة بنيّـه
استفحلت فيني وضاعـة منهـج التفكيـر=وصارت اساليب اعوجاج الفكر مرضيّـه
الفلسفه ويـا الغـلا ماعـاد فيهـن خيـر=صرت استلذ من الغبـا كـره الغـلا ليّـه
تعبت اعلمهـا سياسـة منطـق التغييـر=ان البخل جهـل وعطانـا محـو الاميّـه
شعره يدرسنـي قصيـدً بوحـه التكفيـر=وتهلـل ابياتـي وتاخـذ صفـر بالمـيّـه

[/poem]