[سعيد الموسى]

السلام عليكم ورحمة الله وبركاته

مدخل ! /


.

.
البارحه , جيتك طفل !
نمت ف خيالات الـجُملْ !
ضمتني شفاه الورق !
حتى صحيت من الأرق !
.
.
مدري ! ولاادري وش ابي ؟
هالوقت يــرفض مطلبي !
.
.
ماهزني ورد الرصيف !
بس أذكرك , كني ضعيف !
إن قلت أكابر ـ ماكبرت !
وإن قلت اضمـك ـ ماقدرت !
إعرابي , وربعي عرب !
ودي بك ولكن : صعب !
قلت ازفرك !
أو ازفرك !
واتفاجأ إني أشهقك !
بالله لاجيتــك طفل !
أرميني لصوت الجبل !
كود أفهمك !
أو اذنبك !
يمكن أخافك وارتبك !
واوصل لاخر أولك !
.
.
عجزت من صبح الشعر !
زهقت أفضفض للمطر !
قطره
وطاحت في فمي !
زفره !
ويشــهقها الورق !
..
.

ترهقين الشمس في وخز الجبين !
ـــ كن جفن الليل ينخاك بهدب !
تلبسين الغيم وضلوعك سنين
ـــ ماتخافين إقتباسك للشهب ؟
ياحكايه يرتكبها مسلمين
ـــ ماانتهت غير ببدايات التعب
أحمر الحنـّا شِـكت منه اليدين !
ـــ ثلج ٍ أبيض ليه يسقونه لهب ؟
تسدلين الرمش ويطيح الحنين
ـــ أورده .. يجتاحها مجرى نسب
لاتميلين بتعجرف لليمـين !
ـــ تحتضنك الأرض ياورده غصب
تزفرين من الحيا عطر الأنين
ـــ وتشهقين المسك في طـُـهر وصخب !
أقسم برب العباد الطيبين
ـــ إنك أجمل .. يوم تحكين باأدب !
.
.
.
.


خروج عن النص !
.
.
.

تشبهين الفجر ! ؟
يمكن يشبهك !
تشبهين النور !؟
يمكن بسمتك !
تشبهين الطهر ؟
آسف يسكنك !
تشبهين الليل في ساعة رضا
تشبهين الغيم في برد الشتــــا

هو يشبهك !
هو يشبهك ؟