[علي المحمد]

امس كنا نحكي انا واثنين من الشباب عن موضوع الزواج

هذا الموضوع اللي حارث عقول البنات حرث من كثر ما طقت كبودهم من القعده بالبيت ... و اللي ما جابو له الشباب خبر لأسباب متعدده

فاتفقنا ان البنت من اول ما تبلغ وتبدا تحط الروج من ورى أمها ... تبدأ تمر بمرحلة الفصلات والفهاوه والشرود الذهني

تنتظر فارس احلامها اللي مستقبلا راح يكون زوج واخ وصديق وسواق وبودي قارد

وكل تفكيرها انه راح يمشيها ويدلعها ويغير عليها أجواء الكبت والإضطهاد اللي تعيشه بالبيت لان اخوها متمرد و ياخذ منها بخشيش للمشاوير

وهي مسكينه على باب الله مالها الا مكافأة الجامعه ... و يكره برشلونه فريقها المفضل

واذا قالت له طفشانه ابيك تمشيني اخذ بها لفه بطريق الملك عبدالله وطول الطريق غطي وجهك قصري على صوت المسجل لا تفضحيننا ترى برجعك للبيت

( لو أنا منك ياحلوه انزل عند الاشاره واشوف اقرب ليموزين و اسحب سواق الليموزين من شعره برى السياره و استمتع بالقياده وما اركب الا شباب اوصلهم مشاوير

بس قبل هذا لازم تهربين من اخوك قبل هروبك من الدوريات اللي جايهم بلاغ عن الليموزين المسروق لانه لو قدر يلحقك بسيارته وطحتي في يدينه بيكون اليوم الاخير بحياتك

السجن ارحم شوي على الاقل تغيرين جو وتتعرفين على بنات ملكعات ومنها تتعلمين بلوت )

الله يصبركم يا بنات على بلواكم اجل تنتظرون عرسان

ما عاد فيه رجال للزواج الحين اللي طفران واللي يبي يأخر موضوع الزواج على قولته يبي يكون نفسه و ..... الخ

وين أيام أجدادنا قاهرين العنوسه

كل واحد راص له اربع حريم ... وحده تهمزه ... و وحده تقهويه ... واللي تهف عليه بالمهفه ... والرابعه تطرب مخه بموال حجازي ترتخي معاه كل مشاعر الاستبداد

ويبدا هالشايب بالفهاوه ويفكر يطلق وحده ويتزوج الخامسه

ههههههههههههههههههه والله الشيبان الاولين مفترين ولاقينها

لان البنت أول تتزوج وهي صغيره كل همها تلقى أحد يلعب معها غميما أو سبع الحجر

ومن هنا يبدا الاستغلال عند شيبان الاولين ... يلعب معها اول يومين ... وما تدري المسكينه الا وبطنها منتفخ

وبالرغم من فارق السن الا ان البنت تتأقلم وينشأ مع الوقت حب يسمونه ( حب العشره )

كل اللي بقوله الله يفرج هم كل عزوبي وعزوبيه

برايفت :

http://www.6rb.com/php/download.php?mp3=www.6rb.com_43743.mp3