[العنود الشيباني]

متواضعه جديده

علها ترتقي لذائقتكم وتنال بعض الأعجاب

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]


عبث أشعل من الظلما بحياتي مشعلٍ من نور= وانا كل مابقى مني مجرّد بعثرات حطام
أحاول اجمع شتاتي في كف من الأمل مبتور = أجمّع بعضي وبعضي تبعثر في فضا الالآم
عقب ماجودي اهملني بمرسى ضفّة المهجور = اسامر دمعي وهمي يشيّد بالشعور خيام
يشب من لوعتي ناره ويحرق خافقي المقهور=وقوته نبضي ..اشعوري ..دموعٍ تغرق الاكمام
جلست احسب خساراتي على ضفّة عمر مهدور = ونوبه أخلف الحسبه ونوبه تخلف الايام
ولقيت اعظم خساراتي عطا روحٍ يوازي بحور =يقابلها جروحٍ في ثنايا الروح بالأكوام
جروحٍ تجبر الخاطر يضيق ويكشف المستور= تبوح بخافي اسراري ومعاناةٍ لها اعوام
وتكتبني على اوراقي حروفٍ من حزن ديجور= تترجمني ..تفسرني ..تفاصيلٍ مع الاوهام
تبيّن كيف احساسي تشرّب من عناي شعور = وكيف الورد فالوجدان يشكي من ضنا الاعسام
يبعثرني التعب مره .. ومر اصير به منثور= ومر أكون في الدنيا جنون وهلوسات احلام
شربت الضيم من كاس الزمان برغبة المجبور = ومالي فالأمر قدره ولا لي سيطره وإحكام
وانا فوقي سما الغمه وغيمٍ بالغبن ممطور= سكن صدري هطوله ...والبلا في واحة الاسقام
نسيت ان الحزن آمر وانا في دنيته مأمور=يسيّرني على كيفه وهمّه يحتويني إلزام
يجاذب حظي العاثر ..يشكّل من أنيني طيور =كتبني نزف أوجاعي على سطر الورق إلهام
هنا هم وهنا جرح وهنا دم الفرح مهدور= هنا حزن وهنا دمع وهنا ضيق ٍ بصدري حام
هنا قلب وهنا نبض وهنا حرفي نزفني شعور= هنا بوح وهنا نوح ومعاناةٍ لها أعوام
هنا كان الامل كذبه هنا كان الحلم مكسور = هنا كانت أحاسيسي تترجم قصّة الأيام [/poem]

و سلامتكم

عذب التحايا للجميع