تبي تبعد فمان الصبر أنا ما أجبرك تبقى
أريدك بس توعدني .. أبد ما يوم توحشني
تخير مثل ما ودك .. تبي تبقى تبي فرقى
على كل حال ما تفرق كلا الأمرين يدهشني
فمان الصمت والفرقى .. فمان البعد والملقى
وداع الصمت ودعني .. أبي عيونك تناقشني
حبيبي يا عسي عيونك مثل ما ودعت تلقى
حبيب .. صادق .. وافي .. يسليك ويهمشني
أريد اهمس لعينك كلمتين ودمعه زرقا
حبيبي الذنب مو ذنبك .. فؤادي للأسف غشني
وهذي حالة الدنيا أحد يسعد وأحد يشقى
وأنا الثاني علي لايق .. معه عايش وعايشني
لك الله دمع هالعالم تسيل ودمعتك ترقى!
أمانه لا نويت البعد .. تكفى لا تعطشني
عسى يا وحشة الفرقى على عهدي معك تبقى
أبي تقسى علي وانسى .. و تنساني وتوحشني
محمد المرزوقي